პოლონეთმა გერმანიას „ლეოპარდ 2“-ის ტანკების უკრაინისთვის გადაცემასთან დაკავშირებით ოფიციალური თხოვნა გაუგზავნა, - ამის შესახებ პოლონეთის თავდაცვის მინისტრმა, მარიუშ ბლაშაკმა განაცხადა.

„გერმანელებმა უკვე მიიღეს ჩვენი მოთხოვნა უკრაინაში „ლეოპარდ 2“-ის ტანკების გაგზავნაზე თანხმობასთან დაკავშირებით“, - აღნიშნა პოლონეთის თავდაცვის მინისტრმა.

მან გერმანიას მოუწოდა, შეუერთდეს უკრაინის მხარდამჭერი ქვეყნების კოალიციას.

„მე ასევე მივმართავ გერმანულ მხარეს, შეუერთდეს უკრაინის მხარდამჭერი ქვეყნების კოალიციას. ეს არის ჩვენი საერთო საქმე, რადგან საქმე ეხება მთელი ევროპის უსაფრთხოებას!“ - განაცხადა მარიუშ ბლაშაკმა.