გიგა ბოკერია - ნებისმიერი საკითხი, სადაც საქართველო გამოჩნდება უკრაინის ხელისუფლებასთან ან დასავლეთთან დაპირისპირებაში, საზიანოა ჩვენი უსაფრთხოებისთვის

პირდაპირი ფრენებით თუ პირდაპირი ფრენების გარეშე მტრული სახელმწიფოს მოქალაქეების დიდი რაოდენობით საქართველოში შემოსვლა, ყოველგვარი ფილტრის გარეშე, ჩვენი ეროვნული ინტერესებისთვის არის საფრთხე , - ასე ეხმაურება „ევროპული საქართველოს“ თავმჯდომარე, გიგა ბოკერია საქართველოში უკრაინის საქმეთა დროებითი რწმუნებულის, ანდრეი კასიანოვის განცხადებას, რომ არ გამორიცხავს უკრაინის მოქალაქეების ევაკუაციის შესაძლებლობას.

ბოკერიას განცხადებით, მოტივი რის გამოც, პუტინის რეჟიმი ლავროვის პირით აქებს ივანიშვილის რეჟიმს და ახალისებს ფრენების აღდგენით, ქვეყნის ეროვნული ინტერესებისთვის მტრული მოტივია.

„საქართველოს დასავლეთისგან იზოლაციას მიესალმებიან, საქართველოს დაუცველად დატოვებას მიესალმებიან და ამის წახალისებას ახდენენ.

ნებისმიერი საკითხი, სადაც საქართველო გამოჩნდება უკრაინის ხელისუფლებასთან დაპირისპირებაში, დასავლეთთან დაპირისპირებაში მორალური ზიანის გარდა, ჩვენთვის პრაგმატულად საზიანოა, ჩვენი უსაფრთხოებისთვის, დღეს, ხვალ და უახლოეს მომავალში“, - განაცხადა გიგა ბოკერიამ.

ცნობისთვის, საქართველოში უკრაინის საელჩო არ გამორიცხავს უკრაინის მოქალაქეების ევაკუაციის შესაძლებლობას, „თუ მათ საფრთხე დაემუქრებათ საქართველოსა და რუსეთის ფედერაციას შორის პირდაპირი საჰაერო მიმოსვლის აღდგენისა და რუსების მასიურად შემოდინების შემთხვევაში“. ამის შესახებ საქართველოში უკრაინის საქმეთა დროებითმა რწმუნებულმა, ანდრეი კასიანოვმა უკრაინულ გამოცემა „ევროპეისკაია პრავდა“-სთან ინტერვიუში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს