გიორგი ვაშაძე - ყველა პარტნიორმა გაყო ერთმანეთისგან ქართველი ხალხი და "ქართული ოცნება" - პირველი ნაბიჯი უნდა გადავდგათ და შევიკრიბოთ 24 თებერვლის აქციაზე, რის შემდეგაც, მწყობრად ვიმუშავეთ, რომ საბოლოო გამარჯვებამდე მივიდეთ

ჩვენმა ყველა პარტნიორმა გაყო ერთმანეთისგან ქართველი ხალხი და "ქართული ოცნება", რუსული ბუნებით - პირველი ნაბიჯი უნდა გადავდგათ და შევიკრიბოთ აქციაზე სახელწოდებით - "ეს არის საქართველო, დიდება გმირებს", ამის შემდეგ მწყობრად ვიმუშავეთ იმაზე, რომ საბოლოო გამარჯვებამდე მივიდეთ , - ამის შესახებ სტრატეგია აღმაშენებლის თავმჯდომარე გიორგი ვაშაძემ ჟურნალისტებთან განაცხადა.

მისი თქმით, "ქართული ოცნება" დღეს რუსულ დავალებას ასრულებს.

"ჩვენი შიდა და საგარეო მიზნები არის ის, რომ საქართველო ცივილიზებულ სამყაროსთან ერთად იდგეს. არჩევანი, რომ ცივილიზებული სამყაროს ნაწილი ვართ, ქართველ ხალხს აქვს გაკეთებული. მინდა ყველა ცხოვრობდეს სტანდარტით, რითაც ევროკავშირის მოქალაქეები ცხოვრობენ და ამას მივაღწევთ. ერთადერთი, ვინც მოატყუა ქართველი ხალხი, ეს "ქართული ოცნებაა" და დღეს ასრულებს რუსულ დავალებას ქვეყანაში. დეზინფორმაციული, მასობრივი შტურმით ჰგონია, რომ ჩვენს დნმ-ს შეცვლის, თავისუფლებისთვის ბრძოლის ენერგიას შეცვლის, ეს არ გამოსდით. 24 თებერვალს მშვიდად და წყნარად დავდგებით ყველა და გავაკეთებთ შეკრებას, რომელსაც ცივილიზებული სამყარო ელოდება ჩვენგან. ჩვენმა ყველა პარტნიორმა გაყო ერთმანეთისგან ქართველი ხალხი და "ქართული ოცნება", თავის რუსული ბუნებით. არის პირველი ნაბიჯი, რომელიც უნდა გადავდგათ და შევიკრიბოთ აქციაზე სახელწოდებით” „ეს არის საქართველო, დიდება გმირებს“. ამის შემდეგ ძალიან მწყობრად ვიმუშავეთ სისტემურად იმაზე, რომ საბოლოო გამარჯვებამდე მივიდეთ, გამარჯვება იქნება მაშინ, როცა საქართველო იქნება ევროკავშირის და ნატოს წევრი და იმ ეკონომიკურ, უსაფრთხოების და დემოკრატიულ კეთილდღეობას მოვიტანთ ქვეყანაში, რომელიც არის ევროკავშირის და ნატოს მახასიათებელი,"- განაცხადა ვაშაძემ.

რაც შეეხება "ეროვნული მოძრაობის" და მსგავსი გზავნილების გარშემო გაჟღერებულ კრიტიკას, ვაშაძის თქმით, თუ ვინმეს რაიმე პრეტენზია აქვს კონკრეტულად გზავნილებზე, მზად არის მოუსმინოს.

"24 თებერვლის აქციის სახელწოდებაა, "ეს არის საქართველო, დიდება გმირებს," თუ ვინმეს რაიმე პრობლემა აქვს ამ კონკრეტულ გზავნილებთან დაკავშირებით, მზად ვარ, მოვუსმინო. კრიტიკას ყოველთვის მოვისმენთ და არსებობენ ჩასაფრებულ -დაბოღმილი კატეგორია ადამიანებისა, რატომ არიან დაბოღმილები, მე არ ვიცი. მე კი მინდა, რომ ერთი დიდი ეროვნული ერთიანობის დღე იყოს 24 თებერვალი, ამ მოწოდებით ვერთიანდებით და შევიკრიბებით რუსეთაველზე", - განაცხადა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024