მიხეილ სარჯველაძე 24 თებერვლის აქციაზე - ხელმოცარულ პოლიტიკოსებს საზოგადოებაში არსებული ემოციის მიტაცება სურთ - ასე შეეცადნენ პროცესების მართვას 20 ივნისს და რით დამთავრდა, კარგად გვახსოვს

საზოგადოებაში არსებული ემოციის მიტაცება სურთ - ასე შეეცადნენ პროცესების მართვას 20 ივნისს და რით დამთავრდა, ყველას კარგად გვახსოვს, დაახლოებით იმავეს მოლოდინი მაქვს ახლაც , - ასე ეხმიანება პარლამენტის ადამიანის უფლებათა კომიტეტის თავმჯდომარე მიხეილ სარჯველაძე ჟურნალისტებთან „გირჩის“, „სტრატეგია აღმაშენებლის“, „დროას“ და საზოგადოების სხვადასხვა სფეროს წარმომადგენელთა მიერ 24 თებერვალს დაგეგმილ აქციას.

სარჯველაძის თქმით, მათ იმ ემპათიით სარგებლობა სურთ, რომელიც საზოგადოებაში უკრაინის მიმართ არსებობს.

"ერთადერთი, რაშიც მხარს ვერ ვუჭერთ უკრაინას, ეს არის საომარი მოქმედებების დაწყება. თუ ამას მოისაკლისებენ, თქვან. არაფერი დაუკლია საქართველოს, ჰუმანიტარულიდან დაწყებული, პოლიტიკური მხარდაჭერით დასრულებული. ყველაფერი, რაც შეეძლო საქართველოს, უკრაინის მხარდასაჭერად გააკეთა და ამას გააგრძელებს.

მე პირადად მგონია, რომ ეს ხალხი ხელმოცარული პოლიტიკოსები არიან და არავითარი რესურსი არ აქვთ საზოგადოებას რამე საკუთარი დღის წესრიგი შესთავაზონ, რითაც ინტერესს გამოიწვევენ, შესაბამისად, ისღა დარჩენიათ, რომ საზოგადოებაში მონახონ ისეთი ემოცია, რომელსაც საკუთარ სამსახურში ჩაიყენებენ, ამ შემთხვევაში ქართულ საზოგადოებაში არსებული ემპათია უკრაინელი ხალხის მიმართ, შეიძლება აღიქვან, როგორც მათთვის ერთგვარი საშუალება, რომ მიიტაცონ ეს ემოცია და დაარქვან ამას თავის სახელი. ასე შეეცადნენ პროცესების მართვას 20 ივნისს და რით დამთავრდა, როგორც წარუმატებლად, ყველას კარგად გვახსოვს, დაახლოებით იმავეს მოლოდინი მაქვს ახლაც", - განაცხადა სარჯველაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს