EBRD-ის მიერ გამოყოფილი სესხით, 12 მეტროსადგურს რეაბილიტაცია ჩაუტარდება, რამდენიმე მეტროსადგურის შესასვლელში კი დახრილი ლიფტები დამონტაჟდება

EBRD-ის მიერ გამოყოფილი სესხით, 12 მეტროსადგურს რეაბილიტაცია ჩაუტარდება, ამასთან, რამდენიმე მეტროსადგურის შესასვლელში მარტივი გადაადგილებისთვის დახრილი ლიფტები დამონტაჟდება.

როგორც „ინტერპრესნიუსს“ თბილისის სატრანსპორტო კომპანიის მედიასთან ურთიერთობის მენეჯერმა, თამაზ რობაქიძემ განუცხადა, დახრილი ლიფტები დამონტაჟდება შემდეგ სადგურებზე: „გურამიშვილი“, „სარაჯიშვილი“, სადგურის მოედანი 3“ , „სადგურის მოედანი 2“ და „წერეთელი“. დახრილი ლიფტებით სარგებლობას შეძლებენ შშმ პირები, ორსულები და მოხუცები, რათა მარტივად შეძლონ გადაადგილება.

„საქართველოსა და ევროპის რეკონსტრუქციისა და განვითარების ბანკს (EBRD) შორის ხელი მოეწერა შეთანხმებებს, რომელიც გულისხმობს 50 მილიონ 600 ათასი ევროს ოდენობით სესხის გამოყოფას, ამასთან, 5 მლნ ევრო არის გამოყოფილი გრანტის სახით EBRD-ის მწვანე კლიმატური ფონდის მიერ.

პროექტის ფარგლებში უნდა განხორციელდეს 12 მეტროსადგურის რეაბილიტაცია. ესენია - მეტროსადგური „სარაჯიშვილი“, „წერეთელი“, „გურამიშვილი“, „ისანი“, „რუსთაველი“, „თავისუფლების მოედანი“, „სადგურის მოედანი 1“, „სადგურის მოედანი 2“, „ღრმაღელე“, „მარჯანიშვილი“, „ნაძალადევი“ და „300 არაგველი“. სრული რეაბილიტაცია გულისხმობს ესკალატორების და ელექტრომექანიკური დანადგარების პანელების შეცვლას, მგზავრთა ინფორმაციის შეტყობინების სისტემის განახლებას, ასევე ხანძარსაწინააღმდეგო სისტემაც იცვლება, სადგურებზე უწყვეტი კვების რეჟიმიც შეიცვლება, ესკალატორებიდან ელექტროენერგიის დაზოგვის მიზნით განხორციელდება სპეციალური პროექტი.

მოხდება სადგურის ხელმისაწვდომობის გაუმჯობესება, მათ შორის რამდენიმე მიწისქვეშა სადგურის შესასვლელში, კერძოდ: „გურამიშვილი“, „სარაჯიშვილი“, სადგურის მოედანი 3“ , „სადგურის მოედანი 2“ და „წერეთელი“, დამონტაჟდება დახრილი ლიფტები. გარდა ამისა, შეიცვლება სადრენაჟო სისტემა, მოხდება ტექნიკური ხელსაწყოების შეძენა.

ამ ეტაპზე EBRD-ის მიერ სპეციალური ექსპერტი-კონსულტანტების შერჩევა მოხდება, რომლებიც დაიწყებენ პროექტის კონცეპტუალურ დიზაინს. როგორც კი მორჩებიან კონცეპტუალური დიზაინის შედგენას, დაგვეხმარებიან ტენდერების გამოცხადებაში, რაც გულისხმობს ახალი პროექტების და სამშენებლო სამუშაოების ტენდერებს“,- აღნიშნავს თამაზ რობაქიძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს