თბილისში, ბახტრიონის ქუჩაზე, ერთ-ერთი კორპუსიდან ოჯახის გამოსახლების საკითხზე, ხმაურია

თბილისში, ბახტრიონის ქუჩაზე, ერთ-ერთ საცხოვრებელ კორპუსთან ხმაურია. საქმე ეხება აღსრულების ეროვნული ბიუროს მიერ საცხოვრებელი ბინიდან გამოსახლების პროცესს. როგორც ერთ-ერთმა ადგილობრივმა ნიკოლოზ სირაძემ „ინტერპრესნიუსს“ განუცხადა, იმ ოჯახის მხარდამჭერები, ვისი გამოსახლებაც იგეგმება, სადარბაზოს კართან არიან გამაგრებული და ბიუროს თანამშრომლებს ბინაში შესვლის უფლებას არ აძლევენ. მისი თქმით, საკითხი ეხება მევახშესთან დავას და ოჯახის მოთხოვნაა, რომ მოლაპარაკება შედგეს.

„ოჯახის გამოსახლებასთან დაკავშირებით აღსრულების ეროვნული ბიუროს 40-მდე თანამშრომელია მოსული, მათზე მეტი კი ჩვენ დავხვდით აქ. ხმას არ ვიღებთ, ჩუმად, მყარად ვდგავართ. კიდევ ერთი ოჯახის დატოვების მცდელობაა. მოლაპარაკებაზე არ მოდიან. სქემა, რა სქემითაც ზოგადად მოქმედებენ, იგივეა. აქ მძიმე სიტუაციაა იმ კუთხით, რომ ამ ოჯახს ძალიან დიდი სამეგობრო ჰყავს და მზად ვართ, სისხლის ბოლო წვეთამდე ვიდგეთ აქ, თუმცა ჩვენი მხრიდან მოქმედებას არ აქვს ადგილი. მიზეზი არის მევახშესთან დავა, არსებობს „პატიოსანი მყიდველი“. ხალხის გამოგდება უნდათ და ოჯახის გარეთ გამოგდება. გვინდა, რომ მოლაპარაკება იყოს, რაღაცაზე შეთანხმდნენ. სადარბაზოში ვართ გამაგრებულები და სახლამდე არ ვუშვებთ. მათი მხრიდან პროვოცირების მცდელობა იყო, მაგრამ შეგნებულად არ ვყვებით“, - განაცხადა ნიკოლოზ სირაძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი