ნიკოლოზ ჩხეტიანი - ის ვიზუალები, რაც „ლაგუნა ვერეზე“ საჯაროდ გაჟღერდა და მედიაში მოხვდა, არის  ე.წ. გრგ-ს რენდერები - ამ ეტაპზე ფონდი თვითონ არ გეგმავს ტერიტორიის განვითარებას

საქველმოქმედო ფონდი „ქართუს“ გამგეობის თავმჯდომარის, ნიკოლოზ ჩხეტიანის განცხადებით, ფონდ „ქართუს“ გადაწყვეტილებით „ლაგუნა ვერეს“ ყოფილი ღია საცურაო აუზის ტერიტორია თბილისის მუნიციპალიტეტს გადაეცემა.

მისივე თქმით, ამ ეტაპზე ფონდი თვითონ ტერიტორიის განვითარებას არ გეგმავს.

„ფონდმა „ქართუმ“ მორიგი საჩუქარი გაუკეთა დედაქალაქს და „ლაგუნა ვერეს“ ყოფილი ღია საცურაო აუზის ტერიტორია ფონდის გადაწყვეტილებით თბილისის მუნიციპალიტეტს გადაეცემა. ეს არის ქველმოქმედების მორიგი უპრეცედენტო აქტი. მოგეხსენებათ, აღნიშნული ტერიტორიის ღირებულება რამდენიმე ათეული მილიონი ლარია. ფონდმა მიიღო გადაწყვეტილება, რომ აღნიშნული ტერიტორია ქალაქისთვის უსასყიდლოდ გადაეცა, რომელიც, თავის მხრივ, განავითარებს აღნიშნულ ტერიტორიას.

მოგეხსენებათ, ფონდი „ქართუ“ ფლობს საკმაოდ დიდ აქტივებს, რომელიც ივანიშვილების ოჯახის მხრიდან გადმოეცა. ფონდი მართავს აღნიშნულ აქტივებს და შემოსავალს ისევ ფონდის საქველმოქმედო საქმიანობას ახმარს. ამ ეტაპზე, განაშენიანების რეგულაციის გეგმის დამტკიცება და შეთანხმება განხორციელდა, ის ვიზუალები, რაც საჯაროდ გაჟღერდა და მედიაში მოხვდა არის ე.წ. გრგ-ს ვიზუალიზაციები და რენდერები. ამ ეტაპზე ფონდი თვითონ არ გეგმავს ტერიტორიის განვითარებას. ჩვენ, სავარაუდოდ, მოვახდენთ ტერიტორიის რეალიზაციას და როგორც უკვე გითხარით შემოსულ შემოსავალს მოვახმართ ჩვენს საქველმოქმედო პროექტებს“, - განაცხადა ნიკოლოზ ჩხეტიანმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს