იაგო ხვიჩია ხაბეიშვილის განცხადებაზე - ფეხბურთის რომელიღაც მწვრთნელს აქვს ნათქვამი - ფეხბურთელს ფორმის პიკში ჰგონია, რომ ჯომოლუნგმაზე შიშველი ფეხებით ავა, მგონი, ასე არიან პოლიტიკოსები წინასაარჩევნო კამპანიის დროს

ფეხბურთის რომელიღაც მწვრთნელს აქვს ნათქვამი - ფეხბურთელს ფორმის პიკში ჰგონია, რომ ჯომოლუნგმაზე შიშველი ფეხებით ავა, მგონი, ასე არიან პოლიტიკოსები წინასაარჩევნო კამპანიის დროს, - ამის შესახებ "გირჩის" დეპუტატმა, იაგო ხვიჩიამ განაცხადა, რითაც "ნაციონალური მოძრაობის" თავმჯდომარეობის ერთ-ერთი კანდიდატის, ლევან ხაბეიშვილის განცხადებას გამოეხმაურა, რომ "თუ საჭირო გახდა, მიხეილ სააკაშვილს ფიზიკურად გამოიხსნის".

მისი თქმით, ამომრჩეველს საქართველოში ხშირად ისეთ რამეს ჰპირდებიან, რომ მათთან შედარებით მიხეილ სააკაშვილის "ვივამედიდან" გამოხსნა არაფერია.

„ასეთ დროს ქართულ პოლიტიკურ რეალობაში ასეთი სიტყვების თქმა "მოსულა". პოლიტიკოსებისთვის წინასაარჩევნო პერიოდი მგრძნობიარეა და ამ დროს ისინი ამომრჩეველს ბევრ რამეს ჰპირდებიან. ამ ქვეყანაში ისეთი დაპირებებია გაცემული, „ვივამედში" შევალ და გამოვიყვან, რა დაპირებაა იმასთან შედარებით. მგონი, ხალხი უნდა მივიდეს იმ დასკვნამდე, რომ ასეთ დაპირებებს მაინც და მაინც მნიშვნელობა არ მიანიჭონ,"- განაცხადა ხვიჩიამ.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს