მიხეილ სარჯველაძე კასიანოვის განცხადებაზე - უკრაინის ხელისუფლებაში არის ხალხი, ვინც გულშემატკივრობს სააკაშვილის პარტიას და სურთ ავნონ ხელისუფლებას, მეორე ახსნა შეიძლება იყოს ომის გაჩაღების მცდელობა საქართველოში

კასიანოვის განცხადება ორი ჰიპოთეტური მიზეზით შეიძლება აიხსნას - უკრაინის ხელისუფლებაში არის ხალხი, ვინც გულშემატკივრობს სააკაშვილის პარტიას და სურთ, ავნონ ხელისუფლებას, მეორე მიზეზი შეიძლება იყოს ომის გაჩაღების მცდელობა საქართველოში , - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა, რითაც ანდრეი კასიანოვის განცხადებას გამოეხმაურა.

მისივე თქმით, კასიანოვის განცხადება იყო არასწორი და არ ჰგონია, რომ ინტერპრეტაციებზე საუბრის საშუალება ჰქონდეს.

სარჯველაძე აცხადებს, რომ თუ რაიმეს შეცვლა სურდა თავის განცხადებაში, ეს სჯობდა გაეკეთებინა იქამდე, ვიდრე საგარეო უწყებაში დაიბარებდნენ.

"ეს ორი ჰიპოთეტური მიზეზით შეიძლება აიხსნას: უკრაინის ხელისუფლებაში არის ხალხი, ვინც გულშემატკივრობს სააკაშვილის პარტიას და სურვილი აქვთ ავნონ ხელისუფლებას, ამიტომ იგონებენ და ხელოვნურად იყენებენ მოგონილ თემას, თითქოს საქართველო არ არის სოლიდარული უკრაინასთან მიმართებით, მიუხედავად, ოთხასამდე დოკუმენტისა, რომელსაც შეუერთდა საქართველო და იყო თანაინიციატორი თუ თანასპონსორიც. მეორე ჰიპოთეტური ახსნა შეიძლება იყოს ომის გაჩაღების მცდელობა საქართველოში, რაც ზოგიერთმა თანამდებობის პირმა საჯაროდაც განაცხადა. ეს არის ორი ყველაზე დამაჯერებელი რეალური ფაქტორი, რასაც შეიძლებოდა გამოეწვია ასეთი ფაქტების მოგონების საჭიროება და ბრალდებების სახით საქართველოს წინააღმდეგ გამოყენება", - განაცხადა სარჯველაძემ.

ინფორმაციისთვის, ანდრეი კასიანოვმა უკრაინულ გამოცემა „ევროპეისკაია პრავდასთან“ ინტერვიუში განაცხადა, რომ საქართველოში უკრაინის საელჩო არ გამორიცხავს უკრაინის მოქალაქეების ევაკუაციის შესაძლებლობას, „თუ მათ საფრთხე დაემუქრებათ საქართველოსა და რუსეთის ფედერაციას შორის პირდაპირი საჰაერო მიმოსვლის აღდგენისა და რუსების მასიურად შემოდინების შემთხვევაში“.

ამასთან, საქართველოში უკრაინის საქმეთა დროებითმა რწმუნებულმა დღეს მედიას განუცხადა, რომ გაუგებრობები ჩნდება მაშინ, როცა ციტატებს კონტექსტიდან იღებენ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი