მედია - ესპანეთში 74 წლის მამაკაცი დააკავეს, რომელიც ეჭვმიტანილია წერილებით ბომბების გაგზავნაში

ესპანეთის ეროვნულმა პოლიციამ მირანდა დე ებროში 74 წლის მამაკაცი დააკავა, რომელიც ეჭვმიტანილია წერილებით ბომბების გაგზავნაში. ინფორმაციას Europa Press -ი წყაროზე დაყრდნობით ავრცელებს.

ABC-ის წყაროების ცნობით, დაკავებულია ესპანელი პომპეიო გ.პ, რომელსაც არ აქვს კრიმინალური წარსული, პენსიაზე გასვლამდე მამაკაცი მსახურობდა ვიტორიას საკრებულოში.

გამოცემის წყაროებმა ის დაახასიათეს, როგორც მარტოსული პიროვნება, პრორუსული შეხედულებებით.

მათივე თქმით, მასა და რუს ექსტრემისტულ დაჯგუფებებს შორის არანაირი კავშირი არ დაფიქსირებულა.

Le Pais-ი კი წყაროებზე დაყრდნობით წერს, რომ მამაკაცი ბომბების ამანათებზე მარკების გამოყენებით იპოვეს, რომლებიც გამოშვებულია მცირე ტირაჟით - 135 ათასი ცალი.

გამოძიება ვარაუდობს, რომ დაკავებული მარტო მოქმედებდა.

2022 წლის ნოემბერსა და დეკემბერში, ესპანეთში ექვსი ამანათი, ასაფეთქებელი მოწყობილობებით ქვეყნის პრემიერ-მინისტრის რეზიდენციაში, უკრაინისა და აშშ-ის საელჩოებსა თავდაცვის სამინისტროში გაგზავნეს.

მანამდე New York Times-მა წყაროებზე დაყრდნობით გაავრცელა ინფორმაცია, რომ დასავლური სადაზვერვო სამსახურები ესპანეთში წერილების გავრცელებას ბომბებით უკავშირებდნენ რუსულ ულტრამემარჯვენე ჯგუფს, რუსეთის იმპერიულ მოძრაობას, რომელიც შეიძლება კონტროლდებოდეს რუსეთის მთავარი სადაზვერვო სამმართველოდან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024