აშშ-ის ახალი ელჩი ლინ ტრეისი მოსკოვში ჩავიდა

შეერთებული შტატების ახალი ელჩი, ლინ ტრეისი მოსკოვში ჩავიდა, - ამის შესახებ ინფორმაციას რუსეთში აშშ-ის საელჩო ავრცელებს.

„ელჩო ტრეისი, კეთილი იყოს თქვენი მობრძანება რუსეთში“, - აღნიშნულია საელჩოს „ტელეგრამის“ არხზე გამოქვეყნებულ პოსტში.

რუსული მედიის ინფორმაციით, შეერთებულ შტატებში რუსეთის ელჩმა, ანატოლი ანტონოვმა და რუსეთში აშშ-ის ახალმა ელჩმა, ლინ ტრეისიმ 24 იანვარს ვაშინგტონში შეხვედრა გამართეს.

იმავე დღეს, რუსეთის საგარეო საქმეთა მინისტრის მოადგილემ სერგეი რიაბკოვმა ჟურნალისტებს განუცხადა, რომ ლინ ტრეისთან გაგრძელდება მოლაპარაკებები, რომელიც ფოკუსირებულია რუსეთ-ამერიკის ურთიერთობების პრობლემურ ასპექტებზე.

რიაბკოვის თქმით, მოსკოვსა და ვაშინგტონს შორის არსებულ პრობლემურ საკითხებზე საერთო ენის გამონახვა ჯერჯერობით ვერ მოხერხდა.

ლინ ტრეისი აშშ-ის სენატმა რუსეთში ელჩად 2022 წლის 21 დეკემბერს დაამტკიცა. ნოემბრის ბოლოს მან სენატში გამართულ მოსმენებზე განაცხადა, რომ იზიარებს ვაშინგტონის პოლიტიკას რუსეთის მიმართ და მხარს უჭერს ანტირუსულ სანქციებს.

გილიომ მერსიე - ევროკავშირში გაწევრიანების გზაზე დაბრუნება საქართველოს ხელისუფლების ხელშია - ევროკავშირი მზადაა განაახლოს ურთიერთობა
ქართული პრესის მიმოხილვა 10.02.2025
ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა