ხელოვნური ინტელექტის კვლევითი კომპანიის OpenAI-ს მიერ შექმნილი ინოვაციური პროდუქტის chatgpt-ს შესახებ ბიზნესისა და ტექნოლოგიების უნივერსიტეტში პანელური დისკუსია გაიმართა. ხელოვნური ინტელექტის ინსტრუმენტები, ChatGPT და სხვა პლატფორმები, რომლებიც ინდუსტრიებისთვის ახალ შესაძლებლობებს აჩენენ - სწორედ ამ და სხვა აქტუალურ თემებზე იყო საუბარი საჯარო განხილვაზე.

პანელურ დისკუსიაში მონაწილეობდნენ:

• ზაალ გაჩეჩილაძე (Pulsar AI თანადამფუძნებელი);
• თათია წმინდაშვილი (უფროსი მკვლევარი, Impel);
• ანა კოლხიდაშვილი (r&d გუნდის ლიდერი, Impel).

დისკუსიის მოდერატორი კი ბიზნესისა და ტექნოლოგიების უნივერსიტეტის ლექტორი ლევან ჯიქია გახლდათ.

პანელურ დისკუსიამდე, დამსწრეებს საშუალება ჰქონდათ დარეგისტრირებულიყვნენ chat.openai.com-ზე და ChatGPT-ს დახმარებით, თემის ირგვლივ საინტერესო კითხვები დაეგენირირებინათ.

პანელური დისკუსია ბიზნესისა და ტექნოლოგიების უნივერსიტეტის ხელოვნური ინტელექტის კვლევის ფარგლებში ჩატარდა. BTU ხელოვნური ინტელექტისა და ChatGPT-ს კვლევის მიზნით სხვადასხვა ტიპის აქტივობების სერიას მართავს. ამ მიმართულებით უკვე ჩატარდა პირველი პანელური დისკუსია, ჰაკათონი სტუდენტებისთვის, ასევე დაიწყო AI Book სერიების გამოცემა. უახლოეს პერიოდში დაგეგმილია სამეცნიერო კვლევები და სტუდენტური კონკურსები, ახალი ციფრული პროდუქტების შექმნა და სხვა პროექტები.

(R)