დავით მათიკაშვილი - ოკუპირებულ საქართველოს იგივე პრეფერენციები არ გააჩნია, რა პრიორიტეტებიც იარაღის მიწოდების კუთხით ნატო-ს წევრ ან სხვა ქვეყნებს აქვთ, რომლებიც უკრაინას გვერდში უდგანან

უნდა გაიგონ და გაითავისონ, რომ ოკუპირებულ საქართველოს იგივე პრეფერენციები არ გააჩნია, რა პრიორიტეტებიც იარაღის მიწოდების კუთხით ნატო-ს წევრ ქვეყნებს და სხვა ქვეყნებს აქვთ, რომლებიც უკრაინას გვერდში უდგანან, - ამის შესახებ ჟურნალისტებთან საპარლამენტო უმრავლესობის წევრმა დავით მათიკაშვილმა განაცხადა, რითაც უკრაინის საგარეო უწყების განცხადებას გამოეხმაურა.

მისი თქმით, საქართველო პოლიტიკურად მხარს უჭერს და ჰუმანიტარული მიმართულებით უკრაინას გვერდით უდგას.

„რაც შეეხება სამხედრო დახმარებას არაერთგზის ითქვა, რომ საქართველო არ დაუშვებს ჩვენი ქვეყნის ჩართვას საომარ კონფლიქტებში, ან ისეთი მოცემულობის შექმნას რომ ჩათრეული იქნეს ქვეყანა ომში. ყველამ, მათ შორის ჩვენმა მეგობრებმა უნდა გაიგონ და გაითავისონ, რომ იარაღის მიწოდების კუთხით რა პრიორიტეტებიც ნატო-ს წევრ ქვეყნებს გააჩნიათ და სხვა ქვეყნებს, რომლებიც უკრაინას გვერდში უდგანან, რა თქმა უნდა, ოკუპირებულ საქართველოს იგივე პრეფერენციები არ გააჩნია. საქართველო უკრაინას მხარში უდგას იმ რესურსით, რაც გააჩნია”, - განაცხადა მათიკაშვილმა.

რაც შეეხება რუსეთ-საქართველოს შორის ფრენების აღდგენას, მათიკაშვილი მიიჩნევს, რომ ამ საკითხზე შეშფოთების გამოხატვა რელევანტური არაა.

„ფრენების აღდგენა-არაღდგენას რაც შეეხება, იმ ქვეყანასთან მიმართებით, რომლის პასუხისმგებლობის სპექტრიდან გასულია ამ სანქცირების დაწესების ან აღდგენის საკითხი, არც შეშფოთებაა რელევანტური და არც რაიმე სხვა მოსაზრების გამოთქმა. ქვეყნის პასუხისმგებლობას როცა გაცდენილია გადაწყვეტილების რაიმე ფორმით მიღება, ღიმილისმომგვრელია საქართველოსთან მიმართებით რაიმე შეშფოთების ან პრეტენზიის გამოთქმა, საქართველოს მონაწილეობა აქ ნულზე დაბალია”, - განაცხადა მათიკაშვილმა.

ცნობისთვის, „უკრინფორმის“ ინფორმაციით, უკრაინის საგარეო საქმეთა სამინისტროს განცხადებაში ნათქვამია, რომ უკრაინის საგარეო საქმეთა მინისტრის მოადგილემ ევჰენი პერებიინისმა უკრაინაში საქართველოს ელჩს, გიორგი ზაქარაშვილს რუსეთთან პირდაპირი ფრენების შესაძლო აღდგენის გამო შეშფოთება გამოუცხადა. მინისტრის მოადგილემ იმედი გამოთქვა, რომ საქართველო გადახედავს თავის პოზიციას და შეუერთდება იმ პარტნიორების წრეს, რომლებიც უკრაინას იარაღითა და სამხედრო ტექნიკით ეხმარებიან და თბილისი შეუერთდება ევროკავშირის მიერ აგრესორი სახელმწიფოს წინააღმდეგ დაწესებულ ყველა სანქციას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024