პაატა მანჯგალაძე - სიყალბეა, რომ ივანიშვილს ურჩიეს დავა არ გააგრძელოს, რადგან შვეიცარიის საბანკო სისტემა ჩამოიშლება - ისინი პრობლემებს უქმნიან რუსეთთან დაკავშირებულ ბიზნესმენებს ანუ აღიარებენ, რომ ივანიშვილი რუსეთთან კავშირშია?

ეს პროპაგანდა რას აძლევს ხელისუფლებას, რომ ივანიშვილს პრობლემა შეექმნა? შვეიცარიის და საერთაშორისო საბანკო სისტემა პრობლემებს უქმნის რუსეთთან დაკავშირებულ ბიზნესმენებს, ანუ ამას აღიარებენ და ღიად ამბობენ, რომ ივანიშვილი რუსეთთან არის დაკავშირებული?! - ასე ეხმიანება „სტრატეგია აღმაშენებლის“ დეპუტატი პაატა მანჯგალაძე ჟურნალისტებთან CS Victims სტატიას, რომლის თანახმადაც, ივანიშვილი ადასტურებს პოლიტიკურ ზეწოლას Credit Suisse-თან სამართლებრივ დავაში.

მისი თქმით, ამ საქმეს უნდა იცნობდეს, რომ დეტალური შეფასება გააკეთოს, თუმცა, გაუგებარია რის დამტკიცება სურთ ივანიშვილის ადვოკატებს.

„მის ადვოკატებს რის დამტკიცება უნდათ ვერ მივხდი, ხან ამბობენ რომ კერძო დავაა, ხან სუბიექტებს შორის დავაა, ხან ამბობენ, რომ პოლიტიკურია და ხან კობახიძე ამბობს, რომ თანხებზე წვდომას იმიტომ უზღუდავენ, რომ „მეორე ფრონტი“ გახსნან. მერე თქვა ეს ფული საქართველოსთვის უნდოდა და საშუალებას არ აძლევენ დახარჯოსო, ცნობილ ფილმშია „თქვენთვის მინდოდა შვილებო ყველაფერიო“ და ასეთ ზღაპარს გვიყვებიან“, - განაცხადა მანჯგალაძემ.

მისივე თქმით, კიდევ უფრო გაუგებარია და აშკარა სიყალბეა ის, რაზეც ივანიშვილის წარმომადგენლები და ექსპერტები საუბრობენ.

„წარმოუდგენელი მასშტაბის სიყალბეა, რომ თურმე ივანიშვილს ურჩიეს დავა არ გააგრძელოს, თორემ შვეიცარიის საბანკო სისტემა ჩამოიშლებაო. ტრილიონობით ფულია შვეიცარიაში და თურმე ივანიშვილს 2 მილიარდი აქვს შეტანილი და ამის გამო შეიძლება შვეიცარიის საბანკო სისტემა ჩამოიშალოს, ამ სისულეებს ლაპარაკობს ხალხი აქ”, - განაცხადა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024