ლაშა ხუციშვილი - მას შემდეგ, რაც სანქციები ამოქმედდა, 1000-ზე მეტი საბაჟო ოპერაცია გაუქმდა - 500-ზე მეტი შემთხვევაა, როცა ბიზნეს ოპერატორები წინასწარ გააფრთხილეს, რომ აღნიშნული ოპერაციის შესრულებით საერთაშორისო სანქციები ირღვეოდა

საქართველოს ფინანსთა მინისტრის, ლაშა ხუციშვილის განცხადებით, მას შემდეგ, რაც სანქციები ამოქმედდა, 1000-ზე მეტი საბაჟო ოპერაცია გაუქმდა. მისივე თქმით, ამას გარდა, 500-ზე მეტი შემთხვევაა, როდესაც ბიზნეს ოპერატორები წინასწარ გააფრთხილეს, რომ აღნიშნული ოპერაციის შესრულებით საერთაშორისო სანქციები ირღვეოდა, შესაბამისად, ეს ოპერაციები აღარ განხორციელდა.

როგორც ლაშა ხუციშვილმა საბაჟოს საერთაშორისო დღესთან დაკავშირებით აღნიშნა, საქართველოს საბაჟო კოდექსი ევროკავშირის საბაჟო კოდექსს სრულად ემთხვევა. მისივე თქმით, სანქციების გამო, საბაჟო-გამშვებ პუნქტებს მკაცრად აკონტროლებენ და პრაქტიკულად ყველა პუნქტზე შესაბამისი ინფრასტრუქტურა ვითარდება.

„დღეს საბაჟოს საერთაშორისო და მებაჟე-ოფიცრების პროფესიული დღე აღინიშნება. მინდა შემთხვევით ვისარგებლო და თითოეულ მებაჟე-ოფიცერს, საბაჟო დეპარტამენტის ყველა თანამშრომელს მივულოცო ეს დღე და წარმატება ვუსურვო. მებაჟე-ოფიცრები 24 საათის განმავლობაში მუშაობენ, მათზე დაკისრებულ მოვალეობას ასრულებენ და ქვეყნის ეკონომიკურ საზღვარს იცავენ.

საბაჟოს ყველა მიმართულებით ძალიან დიდი პროგრესი და წარმატება აქვს. ეს საერთაშორისო ნორმების შესრულებასაც შეეხება. საქართველოს საბაჟო ორგანო შესაბამისი საერთაშორისო სტანდარტებით მოქმედებს. ამის დასტურია ის კომუნიკაციები, რომლებსაც პარტნიორი ორგანიზაციებიდან ვიღებთ.

მას შემდეგ, რაც სანქციები ამოქმედდა, 1000-ზე მეტი საბაჟო ოპერაცია გაუქმდა. გარდა ამისა, 500-ზე მეტი შემთხვევა გვაქვს, როდესაც ბიზნეს ოპერატორები წინასწარ გააფრთხილეს, რომ აღნიშნული ოპერაციის შესრულებით საერთაშორისო სანქციები ირღვეოდა, შესაბამისად, ეს ოპერაციები აღარ განხორციელდა. ჩვენ პროაქტიულად ვთანამშრომლობთ ბიზნეს ოპერატორებთან, იმისათვის, რომ მათ წინასწარ იცოდნენ, რა ითვლება სანქციის დარღვევად.

ბუნებრივია, სანქციების გამო, საბაჟო-გამშვებ პუნქტებს მკაცრად ვაკონტროლებთ. შეგვიძლია ვთქვათ, რომ პრაქტიკულად ყველა საბაჟო-გამშვებ პუნქტზე შესაბამისი ინფრასტრუქტურა ვითარდება. ყაზბეგის პუნქტზე დამატებითი სკანერი დამონტაჟდა, სადაც ტვირთები სკანირდება. გასულ წელს დასრულდა ნინოწმინდის საბაჟო-გამშვები პუნქტის მშენებლობა. უახლოეს მომავალში ლაგოდეხის პუნქტის რეაბილიტაცია დასრულდება.

საქართველოს საბაჟო კოდექსი ევროკავშირის საბაჟო კოდექსთან უკვე სრულად ჰარმონიზებულია“, - განაცხადა ლაშა ხუციშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი