ბაჩო დოლიძე - აქტივობა საკმაოდ მაღალია, თუ შევადარებთ წინა არჩევნებს - პირადად ველოდები, რომ ნიკა მელია გაიმარჯვებს პირველივე ტურში

„ნაციონალური მოძრაობის“ წევრი, ბაჩო დოლიძე მოელის, რომ პარტიის თავმჯდომარე, ნიკა მელია პირველივე ტურში გაიმარჯვებს და მეორე ტურის გამართვა საჭირო არ გახდება.

როგორც მან ჟურნალისტებს განუცხადა, არ ფიქრობს, რომ პარტია შეიძლება ორად გაიყოს, მიუხედავად აზრთა სხვადასხვაობისა.

„არ მგონია, ორად გაიყოს პარტია. აზრთა სხვადასხვაობა ყოველთვის იყო, შესაბამისად, შემდგომშიც იქნება. დემოკრატიული პროცესია და ჩვენ ჩვეულებრივად უნდა შევეგუოთ ამ ყველაფერს, მაგრამ უპრეცედენტოდ დიდი რაოდენობაა დარეგისტრირებული. დაახლოებით 50 ათასამდე ადამიანი, 2 დღის განმავლობაში ე.წ. გაცხრილვაზე იქნება მუშაობა. 28-29 იანვარს იქნება უშუალოდ ხმის მიცემის პროცესი. ასე რომ საინტერესოდ ვითარდება პროცესები. აქტივობა საკმაოდ მაღალია, თუ შევადარებთ წინა თავმჯდომარის არჩევნებს. აბსოლუტურად ყველანი მოლოდინში ვართ იმ რეზულტატის, რა პოზიციას დაიჭერს ჩვენი ამომრჩეველი. პირადად ველოდები, რომ ნიკა მელია გაიმარჯვებს პირველივე ტურში. ახლა მთავარია, რომ ჩვენმა ამომრჩეველმა გააკეთოს არჩევანი ბევრი კრიტერიუმის გათვალისწინებით. თავმჯდომარე ძალიან აქტიური უნდა იყოს როგორც ქვეყნის შიგნით, ასევე ქვეყნის გარეთ, რადგან ის წარმოადგენს მთავარ ოპოზიციურ ძალას. ამ თვალსაზრისით, ვფიქრობ, ძალიან სწორ გადაწყვეტილებას მიიღებს ჩვენი ამომრჩეველი. არაფრის გამორიცხვა არ შეიძლება, მათ შორის არც მეორე ტურის, თუმცა, დიდი იმედი მაქვს, რომ ეს ყველაფერი პირველივე ტურში დამთავრდება“, - განაცხადა დოლიძემ.

კითხვაზე, როდის გაჩნდა დავით კეზერაშვილის არაფორმალური მმართველობა პარტიაში და კონკრეტული ადამიანების გადაბირების ინტერესი, ბაჩო დოლიძემ უპასუხა, რომ ამ კითხვას პარტიის თავმჯდომარე, ნიკა მელიამ უკვე უპასუხა.

„რა თქმა უნდა, არათუ არასასიამოვნო, არამედ მიუღებელია ცალკეული პარტიების ჯგუფების დაფინანსება, ამაში რთულია ნიკას არ დავეთანხმო იმიტომ, რომ დისონანსი შემოაქვს ამ ყველაფერს პარტიაში. აქედან გამომდინარე, მგონი ყველამ ყველაფერი იცის. ძალიან ბევრი კარტი გაიხსნა. შესაბამისად, ახლა ჯერი ჩვენს ამომრჩეველზეა, მათ უნდა მიიღონ ძალიან მნიშვნელოვანი გადაწყვეტილება“,-განაცხადა დოლიძემ.

დამაზუსტებელ კითხვაზე, ნიშნავს თუ არა ეს განცხადება იმას, რომ როდესაც კეზერაშვილისა და მელიას გზები გაიყო, მან პარტიაში რამდენიმე ჯგუფის დაფინანსება გადაწყვიტა, დოლიძემ უპასუხა, რომ „ფაქტები თავისას მეტყველებს“.

„მაშინ, როდესაც პარტიასთან შეწყვეტილი იყო ყველანაირი ფინანსური ურთიერთობა, ამ დროს, პარალელურად მიმდინარეობდა პირებთან თავიანთი პროექტების დაფინანსება, რაც ვფიქრობ, ძალიან არასწორია და ჯანსაღი ვერ იქნება“,-განაცხადა დოლიძემ. მან აღნიშნა, რომ მათ შორის ასეთია „ანტიკორუფციული მოძრაობა“. მისივე თქმით, ეს ცუდი პროცესი მეორე მხარემ დაიწყო. „კიდევ ერთხელ მინდა გავახსენო, ეს პროცესი ჩვენი დაწყებული ნამდვილად არ არის, ჩუმად ბრიფინგი ჩვენ არ ჩაგვინიშნავს, ეს ბრძოლა ჩვენ არ გაგვიმართავს“,-განმარტა დოლიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024