ირაკლი ქადაგიშვილი - კინზინგერი არის ერთი მიკერძოებული პოზიციების მქონე ადამიანი - ბოლოს და ბოლოს, ვინ არის ის, რომ საქართველოს ასეთი კითხვები დაუსვას?

კინზინგერის ასეთი პროპაგანდისტული მესიჯები გვიჩვენებს იმას, რომ მას ფაქტობრივი მდგომარეობა არ აინტერესებს - ბოლოს და ბოლოს, ვინ არის კინზინგერი, რომ საქართველოს ასეთი კითხვები დაუსვას? - ამის შესახებ ჟურნალისტებთან საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა განაცხადა.

მისივე თქმით, კინზინგერს მიკერძოებული პოზიციები აქვს.

„საქართველოსა და რუსეთს შორის დიპლომატიური ურთიერთობა უკვე 15 წელი იქნება მალე, რაც გაწყვეტილია. ამიტომ, საქართველოში რუსეთის ელჩს ვერ დავიბარებთ, რადგან მსგავსი არ არსებობს. ზოგადად, კინზინგერი არის ერთი მიკერძოებული პოზიციების მქონე ადამიანი და საჭიროდ არ ვთვლი, რომ მის ამ პოზიციებზე რაიმე კომენტარი უნდა გავაკეთო”, - განაცხადა ქადაგიშვილმა.

რაც შეეხება კითხვას, რატომ არ დაიბარეს რუსეთის ინტერესთა სექციის დიპლომატები, ქადაგიშვილი ამბობს, რომ იქ მომუშავე რუსი დიპლომატები არ წარმოადგენენ იმ სტატუსს, რომელთა მიმართებაშიც შეიძლება გქონდეს პოლიტიკური ან დიპლომატიური დემარში.

„შვეიცარიის საელჩოში არის ინტერესთა სექცია, ეს არ არის დიპლომატიური მისია და იქ მომუშავე რუსი დიპლომატები არ წარმოადგენენ იმ სტატუსის მატარებლებს, რომელთა მიმართებაშიც შეიძლება გქონდეს პოლიტიკური ან დიპლომატიური დემარში პოლიტიკურ საკითხებზე. ამიტომ, საზოგადოება პროპაგანდისტული ლოზუნგებით ნუ შეგყავთ შეცდომაში. როგორ შეიძლება, ჩინოვნიკი პოლიტიკურ დონეზე აიყვანო? არ ხდება ეს და ახალი თეორია გამოიგონეთ! ამის გაკეთება ნიშნავს იმას, რომ შვეიცარიის საელჩოსთან არსებული ინტერესთა სექციას პოლიტიკური და დიპლომატიური რანგი შევძინოთ, ნუ დაასხამთ წყალს რუსეთის ინტერესებზე!

პირადად მე საჭიროდ არ ვთვლი, რომ კინზინგერის ამ პოპულისტურ განცხადებებზე კომენტარი ვაკეთო. კინზინგერმა თუ იცის, საქართველომ რუსეთთან რამდენჯერ იომა? როდის დაუსვამს ასეთი შეკითხვა, ბოლოს და ბოლოს, ვინ არის კინზინგერი, რომ საქართველოს ასეთი კითხვები დაუსვას?” - განაცხადა ქადაგიშვილმა.

ცნობისთვის, ყოფილი ამერიკელი კონგრესმენი, ადამ კინზინგერი უკრაინის დროებითი რწმუნებულის, ანდრეი კასიანოვის საქართველოს საგარეო საქმეთა სამინისტროში დაბარების ფაქტს გამოეხმაურა.

„საინტერესოა, ბოლოს როდის დაიბარეს რუსეთის ელჩი, ან თუნდაც დაგმეს რუსეთი? ჰეი, „ქართული ოცნება“, იცით, ხომ, რომ რუსეთი აგებს ომს?“ - დაწერა კინზინგერმა სოციალურ ქსელში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024