ირაკლი ქარქაშაძე - FlyArystan ჩვენი მნიშვნელოვანი პარტნიორია, რომელსაც ქუთაისის საერთაშორისო აეროპორტის მგზავრთნაკადის წილის 17% უკავია

საქართველოს აეროპორტების გაერთიანების დირექტორი ირაკლი ქარქაშაძე საქართველოში ყაზახური ავიაკომპანიების AIR ASTANA-სა და FlyArystan-ის წარმომადგენელს შეხვდა. აეროპორტების გაერთიანების ინფორმაციით, კამილა ჟაილაუბაევასთან შეხვედრაზე ხაზი გაესვა საქართველოში ყაზახეთიდან მგზავრთნაკადის მუდმივ ზრდასა და ორ ქვეყანას შორის პირდაპირ საჰაერო მიმოსვლის მნიშვნელობაზე. ირაკლი ქარქაშაძის განცხადებით, 2022 წლის განმავლობაში ყაზახური ავიაკომპანიების წილი ქართულ ბაზარზე საკმაოდ დიდი იყო. განსაკუთრებით აღსანიშნავია FlyArystan-ი, რომელიც ქუთაისის საერთაშორისო აეროპორტში წარმატებით ოპერირებს.

,,ცენტრალური აზია სრულიად ახალი მიმართლებაა ქუთაისის აეროპორტისთვის და ზოგადად, იმერეთის მხარისთვის. მინდა მადლობა გადავუხადო ავიაკომპანიას ნაყოფიერი თანამშრომლობისთვის. FlyArystan ჩვენი მნიშვნელოვანი პარტნიორია, რომელსაც ქუთაისის საერთაშორისო აეროპორტის მგზავრთნაკადის წილის თითქმის 17 % უკავია და 2022 წელს 135,713 მგზავრს მოემსახურა. რაც საკმაოდ მაღალი მაჩვენებელია. საქართველოს მასშტაბით კი ავიაკომპანიებს შორის FlyArystan მეათე ადგილზეა და ბაზრის წილის 3,3 % უკავია. ყაზახეთი ჩვენი ერთ-ერთი მნიშვნელოვანი მიზნობრივი ბაზარია,-‘’განაცხადა ირაკლი ქარქაშაძემ.

„ავიაკომპანია AIR ASTANA საქართველოს ბაზარზე 10 წელზე მეტია წარმატებით ოპერირებს. თბილისიდან დედაქალაქ ასტანასა და ალმაათის მიმართულებით დაფრინავს, ხოლო ბათუმის საერთაშორისო აეროპორტიდან ზაფხულის სანავიგაციო სეზონზე კვირაში 5 სიხშირით ალმათიდან ოპერირებს. რაც შეეხება, FlyArystan-ს, რომელიც AIR ASTANA-ს შვილობილია და პირველი ყაზახური დაბალბიუჯეტიანი ავიაკომპანიაა, საქართველოს საავიაციო ბაზარზე ოპერირება 2021 წელს ქუთაისის საერთაშორისო აეროპორტში. ამ დრომდე, FlyArystan დავით აღმაშენებლის სახელობის ქუთაისის საერთაშორისო აეროპორტიდან 4 მიმართულები: ასტანა, აქტაუ, ატირაუ და შიმკენტი კვირაში 14 სიხშირით ოპერირებს.

საქართველოში ყაზახური ავიაკომპანიების AIR ASTANA-სა და FlyArystan-ის წარმომადგენელთან შეხვედრას საქართველოს აეროპორტების გაერთიანების აღმასრულებელი მენეჯერი ანი ჩიქოვანი, საავიაციო ბიზნესგანვითარების მენეჯერი ვაკო ჭილაშვილი და კომპანია Discovery GROUP-ის გენერალური მენეჯერი თემურ ბუზალაძე ესწრებოდნენ, რომელიც საქართველოში ყაზახური ავიაკომპანიების სახმელეთო მომსახურების აგენტია“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024