ელენე ხოშტარია - თუ ქვეყნის უსაფრთხოებაზე ზრუნავ და მიგაჩნია, რომ შენი ეროვნული უსაფრთხოების პრობლემა რუსეთია, შეუძლებელია, რომ ტექნოლოგიური გადაწყვეტა ამ ქვეყანაში იპოვო, თუ მათთან განსაკუთრებული კავშირი არ გაქვს

თუ ქვეყნის უსაფრთხოებაზე ზრუნავ და მიგაჩნია, რომ შენი ეროვნული უსაფრთხოების პრობლემა რუსეთია, შეუძლებელია, რომ ტექნოლოგიური გადაწყვეტა ამ ქვეყანაში იპოვო, თუ მათთან განსაკუთრებული კავშირი არ გაქვს, - ამის შესახებ პარტია „დროას“ ხელმძღვანელმა, ელენე ხოშტარიამ განაცხადა.

ელენე ხოშტარია მედიაში გავრცელებულ ინფორმაციას გამოეხმაურა, რომლის მიხედვითაც, საქართველოს შინაგან საქმეთა სამინისტრო რუსულ და ბელარუსულ ტექნოლოგიურ კომპანიასთან თანამშრომლობს.

მისივე თქმით, ეს თანამშრომლობა ჩვენი ხელისუფლების შეგნებული არჩევანია.

„მინდა გუშინ On.ge-ს გავრცელებულ ინფორმაციას გამოვეხმაურო, რომელიც ორგანიზაცია „ფორსეტის“ საგამოძიებო მასალას ეყრდნობა, რომელშიც ჩვენი მთავრობის რუსეთთან ძალიან სახიფათო თანამშრომლობის შესახებ არის ნათქვამი. სავარაუდოდ, რუსეთს წვდომა აქვს ჩვენი ეროვნული უსაფრთხოების საკითხებზე. მასალაში შინაგან საქმეთა სამინისტროს ოფიციალური წერილიცაა მოყვანილი. მასალით დასტურდება, რომ შინაგან საქმეთა სამინისტრო საგამოძიებო ღონისძიებების ჩატარებისას, მათ შორის საზღვარზე, რუსულ და ბელარუსულ ტექნოლოგიურ ორგანიზაციასთან თანამშრომლობს, რომელიც მათ საინფორმაციო სისტემით უზრუნველყოფს. ამ თანამშრომლობის შედეგად, რუსებს შეუძლიათ, რომ საქართველოს მოქალაქეების პირად მონაცემებზე წვდომა ჰქონდეთ. ამაში შედის: სახელი, გვარი, პირადი ნომერი, მისამართი, ფოტო, თითის ანაბეჭდი, თვალის ფერადი გარსი და სახის მახასიათებლები. ამ ტექნიკური გადაწყვეტის შედეგად, კრემლთან დაახლოებულ ტექნოლოგიურ ორგანიზაციას შეუძლია, რომ უწყვეტი რეჟიმით ჰქონდეს ეს ინფორმაცია. ასევე, მათ შეუძლიათ იცოდნენ საქართველოს მოქალაქეების გადაადგილების შესახებ და deep fake-ის გაკეთების შესაძლებლობა აქვთ, რაც ბევრ პროპაგანდისტულ სპეცოპერაციაში გამოიყენება. ამ თანამშრომლობით ჩვენი უსაფრთხოება, პრაქტიკულად, რუსეთის ხელშია.

შენ თუ ზრუნავ ქვეყნის ეროვნულ უსაფრთხოებაზე და მიგაჩნია, რომ შენი ეროვნული უსაფრთხოების პრობლემა რუსეთია, შეუძლებელია, რომ ტექნოლოგიური გადაწყვეტა რუსეთში იპოვო, თუ მათთან განსაკუთრებული კავშირი არ გაქვს. ეს ამ ხელისუფლების შეგნებული არჩევანია. რაც მთავარია, შინაგან საქმეთა სამინისტრო ადასტურებს, რომ ამ კომპანიასთან თანამშრომლობს“, - განაცხადა ელენე ხოშტარიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024