მაია ბითაძე - ევროკავშირის ელჩმა იმედი გამოთქვა, რომ საქართველოს კანდიდატის სტატუსი უახლოეს მომავალში მიენიჭება - მან ხაზი გაუსვა, რომ ამ პროცესში ოპოზიციის პოზიტიური მონაწილეობა აუცილებელია

პარლამენტის გარემოს დაცვისა და ბუნებრივი რესურსების კომიტეტის თავმჯდომარის მაია ბითაძის განცხადებით, ევროკავშირის ელჩმა პაველ ჰერჩინსკიმ მასთან შეხვედრისას იმედი გამოთქვა, რომ ქვეყანას კანდიდატის სტატუსი უახლოეს მომავალში მიენიჭება და ხაზი გაუსვა იმას, რომ ამ პროცესში ოპოზიციის პოზიტიური მონაწილეობა აუცილებელია.

როგორც ბითაძემ ევროკავშირის ელჩთან შეხვედრის შემდეგ ჟურნალისტებს განუცხადა, ელჩმა აღნიშნა ის პროგრესი, რომელიც საქართველოს აქვს ასოცირების დღის წესრიგის შესრულებასთან დაკავშირებით.

„ევროკავშირის ელჩმა ხაზგასმით აღნიშნა ის პროგრესი, რომელიც ქვეყანას აქვს ასოცირების დღის წესრიგის შესრულებასთან დაკავშირებით და იმედი გამოთქვა, რომ ყველა ვალდებულების შესრულების პარალელურად უფრო გააქტიურდება პროცესი, რომელიც საქართველოს უფრო ევროკავშირთან დააახლოებს. ელჩმა იმედი გამოთქვა, რომ ქვეყანას კანდიდატის სტატუსი უახლოეს მომავალში მიენიჭება და ხაზი გაუსვა იმას, რომ ამ პროცესში აუცილებელია ოპოზიციის პოზიტიური მონაწილეობა. აღნიშნა, რომ აუცილებელი გეოპოლიტიკური მდგომარეობის გათვალისწინებით აუცილებელია ქვეყანაში სიმშვიდის შენარჩუნება და ყველა იმ ვალდებულების შესრულებაში ორივე მხარის მონაწილეობა. ვისურვებდი, რომ ჩვენი ოპოზიცია უფრო აქტიურად იყოს ჩართული კანონმდებლობის ფორმირების პროცესში, რადგან ისეთ მნიშვნელოვან კანონმდებლობაზე ვმუშაობთ, რომელიც ქვეყანაში მწვანე ეკონომიკის ახალ კარებს ხსნის”, - განაცხადა მაია ბითაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024