“მედიახმამ“ კვლევა “მედიაგარემო 2022: საფრთხეები და მხარდამჭერი მექანიზმები საქართველოში” წარადგინა

“მედიახმამ“ კვლევის პრეზენტაცია სახელწოდებით “მედიაგარემო 2022: საფრთხეები და მხარდამჭერი მექანიზმები საქართველოში” მედიის, არასამთავრობო სექტორისა და აკადემიის წარმომადგენლებს წარუდგინა.

პრესსამსახურის ინფორმაციით, ახალი კვლევა გამოკვეთს თუ რა გავლენას ახდენს პოლიტიკური პოლარიზება და კრიზისები მედიის სიცოცხლისუნარიანობაზე; რა ზეგავლენას ახდენს გლობალური და ლოკალური კრიზისები (მათ შორის, რუსეთის ომი უკრაინაში) მედიაგარემოზე; კვლევაში ყურადღება გამახვილებულია თუ რამდენად დაცულია ჟურნალისტების უსაფრთხოება საქართველოში, როგორ მიმდინარეობს ჟურნალისტების წინააღმდეგ ჩადენილი დანაშაულების გამოძიება და რა კეთდება დაუსჯელობის დასასრულებლად.

„მნიშვნელოვანია, თუ როგორ ახერხებს მედია ინსტიტუციური სიცოცხლისუნარიანობის შენარჩუნებას პოლიტიკური პოლარიზაციის კონტექსტში. ამ პროცესში შეფასებულია, თუ რა ხელისშემშლელი და მხარდამჭერი მექანიზმები არსებობს მედიაში სხვადასხვა აქტორის მხრიდან. კვლევა მოიცავს სოლიდარობის ჟურნალისტიკის, როგორც მხარდამჭერი მექანიზმის, შეფასებას.

კვლევის ერთ-ერთი მთავარი ასპექტი არის, რუსეთის მიერ უკრაინაში ომის დაწყებისა და ჰუმანიტარული კატასტროფის შედეგად, ქართულ მედიაგარემოში არსებული გამოწვევების შეფასება. ამ კუთხით, რუსული პროპაგანდის პირობებში, გაანალიზებულია დეზინფორმაციის გავლენისა და მისი შემცირების შესაძლო მექანიზმები. გამოკვეთილია ხელოვნური პოლარიზაციის, როგორც პროპაგანდის ხელშემწყობი მექანიზმის, პირდაპირი კავშირი რუსულ ჰიბრიდულ ომთან, რომელიც ჟურნალისტიკის, როგორც პროფესიის, სანდოობას მიზანმიმართულად აქრობს. მედიაგარემოზე დაკვირვება, წინა წლის კვლევის მსგავსად, მოხდა კვლევაში ჩართულ მონაწილეთა (16 მედიასაშუალების 25 წარმომადგენელი) შეფასებაზე დაყრდნობით და შემდგომი შედარებითი ანალიზით”,- აღნიშნულია გავრცელებულ ინფორმაციაში.

კვლევის ავტორები არიან: პროფესორი მარიამ გერსამია, ასოცირებული პროფესორი მაია ტორაძე.

კვლევა ფრიდრიხ ნაუმანის ფონდი თავისუფლებისთვის - სამხრეთ კავკასიის ბიუროს მხარდაჭერით მომზადდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს