ვიქტორ იუშჩენკო - დამწუხრებული ვარ ქართველი ერისა და მიშას გამო - მესმის, რომ ეს ეპიზოდია, ამას გადავიტანთ და იქნება ისეთი საქართველო, რომელზეც ვოცნებობთ

დამწუხრებული ვარ ქართველი ერისა და მიშას [მიხეილ სააკაშვილის] გამო, - ამის შესახებ უკრაინის ყოფილმა პრეზიდენტმა ვიქტორ იუშჩენკომ უკრაინელ ჟურნალისტ დიმიტრი გორდონთან ინტერვიუში განაცხადა.

უკრაინის ყოფილი პრეზიდენტის თქმით, დღეს მნიშვნელოვანია, რომ უკრაინას ისეთი მეგობარი ჰყავდეს, როგორიც საქართველოა და ფიქრობს, რომ საქართველოში იქნება ისეთი ხელისუფლება, რომელსაც ტაშს დაუკრავენ.

“დღეს ისე მნიშვნელოვანია, რომ ევროპის აღმოსავლეთში ისეთი მეგობარი გვყავდეს, როგორც საქართველო - არა მხოლოდ ბალტიის ქვეყნები, არა მხოლოდ პოლონელები, ან ჩეხები, ან ბრიტანელები. რადგან ჩვენ აღმოსავლეთ ევროპის ხმა ვართ… ეს მათთვისაც მნიშვნელოვანია და ჩვენთვისაც. მესმის, რომ ეს ეპიზოდია, მესმის, რომ ამას გადავიტანთ და იქნება ისეთი საქართველო, რომელზეც ვოცნებობთ და ხელისუფლებაც იქ ისეთი იქნება, რომ ჩვენ ტაშს დავუკრავთ, მაგრამ დღეისთვის სამწუხაროდ, ძალიან სამწუხაროდ… მე არ შემიძლია ბევრ ასეთ თუნდაც ადამიანურ მომენტზე კომენტარის გაკეთება. მე არ მესმის”, - თქვა იუშჩენკომ.

უკრაინის ყოფილმა პრეზიდენტმა ასევე აღნიშნა, რომ 2007 წელს იმჟამინდელი საქართველოს პრეზიდენტის, მიხეილ სააკაშვილის იარაღის გადაცემის თხოვნას გამოეხმაურა და საქართველოს გადასცა “ყველა შეიარაღება, რისი გადაცემაც შესაძლებელი იყო მოთხოვნილიდან”.

“არა და კარგად გვესმოდა რა რეაქცია ექნებოდა პუტინს, რუსეთს… თუმცა ყველაზე დიდი ღირებულების… იმ ისტორიული ურთიერთობების ღალატი არ შეიძლება, რომლებიც უკრაინელებსა და ქართველებს შორის არსებობს, ისინი მხოლოდ უნდა ძლიერდებოდეს”, - თქვა იუშჩენკომ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024