რატი იონათამიშვილი - ევროპის საბჭოს რეზოლუციაში დადებითად არის შეფასებული გატარებული რეფორმები, რაც მნიშვნელოვანია, კანდიდატის სტატუსის მიღების საფუძვლად იქცეს

ევროპის საბჭოს რეზოლუციაში დადებითად არის შეფასებული გატარებული რეფორმები, რაც მნიშვნელოვანია, რომ საფუძვლად იქცეს კანდიდატის სტატუსის მიღებისთვის - რაც შეეხება პოლარიზაციას „ნაციონალურ მოძრაობაში" არჩევნები ქართულ პოლიტიკაში პოლარიზაციას დაასრულებს,- ამის შესახებ „ქართული ოცნების” წევრმა რატი იონათამიშვილმა ჟურნალისტებს ევროპის საბჭოს რეზოლუციის თაობაზე განუცხადა.

რაც შეეხება რეზოლუციის იმ ნაწილს, სადაც მედია გარემოზეა საუბარი, იონათამიშვილი ამბობს, რომ საქართველოში მედიის თავისუფლება მაღალი სტანდარტით არის უზრუნველყოფილი.

„ძალიან მნიშვნელოვანია, რომ ევროპის საბჭოს ასამბლეაში ჩვენი დელეგაციის მუშაობა პროაქტიულია და ჩვენ არაერთი მნიშვნელოვანი გადაწყვეტილების მომსწრე გავხდით. მიღებული რეზოლუცია საინტერესოა - მასში დადებითად არის შეფასებული გატარებული რეფორმები, რაც მნიშვნელოვანია, რომ საფუძვლად იქცეს კანდიდატის სტატუსის მიღებასთან დაკავშირებით. რაც შეეხება პოლარიზაციას, „ნაციონალურ მოძრაობაში" არჩევნები ჩატარდება და ეს არჩევნები ქართულ პოლიტიკაში პოლარიზაციას დაასრულებს. რაც შეეხება მედიის თავისუფლებას - საქართველოში მედიის თავისუფლება მაღალი სტანდარტით არის უზრუნველყოფილი. მედიაგარემო არჩევნების შემდეგ შეფასდა და იდენტურ პასაჟებზე იყო საუბარი. ითქვა, რომ, სამწუხაროდ, მედიაში პოლიტიკური დღის წესრიგი საკმაოდ მაღალია, მაგრამ იმედი მაქვს, რომ როცა პოლარიზაცია შემცირდება, მედია სუბიექტური პოლიტიკისგან დაიცლება”, - განაცხადა რატი იონათამიშვილმა.

ცნობისთვის, ევროპის საბჭოს საპარლამენტო ასამბლეა რეზოლუციაში მოუწოდებს საქართველოს ხელისუფლებას, შეასრულოს ევროკავშირის 12 რეკომენდაცია, რათა საქართველოს მიენიჭოს ევროკავშირის წევრობის კანდიდატის სტატუსი, რომლისკენაც იგი სამართლიანად ისწრაფვის. დოკუმენტში აღნიშნულია, რომ ევროპის საბჭოს საპარლამენტო ასამბლეა მიესალმება საქართველოს მიერ მიღწეულ პროგრესს ნაკისრი ვალდებულებების შესრულების კუთხით და მოუწოდებს ყველა პოლიტიკურ ძალას, მიმართონ ამ რეზოლუციაში გამოხატულ დანარჩენ რეკომენდაციებსა და შეშფოთებას. ამასთან, ასამბლეა შეშფოთებას გამოხატავს ქვეყანაში არსებული უკიდურესი პოლიტიკური პოლარიზაციის გამო.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი