უკრაინის ელჩი ნოვაკ ჯოკოვიჩს მოუწოდებს, რუსეთ-უკრაინის ომთან დაკავშირებით საკუთარი პოზიცია დააფიქსიროს

ავსტრალიაში უკრაინის ელჩი ჩოგბურთელ ნოვაკ ჯოკოვიჩს მოუწოდებს, დააფიქსიროს თავისი პოზიცია უკრაინაში რუსეთის შეჭრასთან დაკავშირებით. უკრაინელმა დიპლომატმა ჯოკოვიჩს მას შემდეგ მიმართა, რაც გავრცელდა ავსტრალიის ღია პირველობაზე გადაღებული ფოტოები, სადაც ჩოგბურთელის მამა პოზირებს გულშემატკივრებთან, რომლებსაც რუსეთის დროშები უჭირავთ ხელში.

CNN-თან საუბრისას, უკრაინის ელჩმა ვასილ მიროშნიჩენკომ ინციდენტი პროვოკაციად შეაფასა, რომელიც ნეგატიურად მოქმედებს თავად ნოვაკ ჯოკოვიჩზე, რომელიც ნახევარფინალისთვის ემზადება.

„ვფიქრობ, მისთვის სპეკულაციების გასაქარწყლებლად მნიშვნელოვანია, გააკეთოს ძალიან ძლიერი განცხადება იმის შესახებ, თუ სად დგას იგი ამ ომში, და მინდა ვიხილო ბოდიშის მოხდა ნოვაკ ჯოკოვიჩისგან,“ - აღნიშნა ელჩმა.

მისი თქმით, მნიშვნელოვანია მსოფლიომ იცოდეს თავად ნოვაკ ჯოკოვიჩის პოზიცია.

„რა თქმა უნდა, ვაჟი მამის ცოდვებზე პასუხს ვერ აგებს, მაგრამ შესაძლოა, მასაც იგივე აზრი ჰქონდეს, რაც მამამისს. ვფიქრობ, მსოფლიომ უნდა იცოდეს, სად დგას იგი“, - აღნიშნა უკრაინელმა დიპლომატმა.

მომხდარს ავსტრალიის პრემიერ-მინისტრი, ენტონი ალბანეზაც გამოეხმაურა. მან კიდევ ერთხელ გამოხატა უკრაინის მიმართ ავსტრალიის მხარდაჭერა და უკრაინაში რუსეთის შეჭრის მხარდამჭერები გააკრიტიკა.

„ჩვენ არ გვინდა ვიხილოთ რაიმე მხარდაჭერა უკრაინაში რუსეთის შეჭრის მიმართ, რომელიც დამანგრეველ გავლენას ახდენს უკრაინელ ხალხზე“, - აღნიშნა ავსტრალიის პრემიერმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024