გურამ მაჭარაშვილი - თავად მედიის მხრიდან ხდება მედიასტანდარტების დარღვევა - მედიათავისუფლების მიმართულებით სხვა პრობლემა არ არსებობს

თუ ვინმეს წინსვლა და კანდიდატის სტატუსი არ უხარია, ვიცით, ვინც არიან - ისინი განაგრძობენ თავიანთ სამყაროში ცხოვრებას, ჩვენთვის და საქართველოსთვის კი ევროპის საბჭოს საპარლამენტო ასამბლეის რეზოლუცია პოზიტიური სიგნალია, - ამის შესახებ მოძრაობა „ხალხის ძალის“ წევრმა გურამ მაჭარაშვილმა ჟურნალისტებს განუცხადა.

მისი თქმით, არაერთ რეზოლუციაშია ჩაწერილი, რომ საქართველო ევროპასთან ნამდვილად თავსებადია და ახლა ეს საკითხი პოლიტიკაზეა დამოკიდებული.

„ევროპის საბჭოდან მიღებული რეკომენდაციები საქართველოში სრულდებოდა და ახლაც იქნება გათვალისწინებული. არ არსებობს ქვეყანა, რომ ევროკავშირს არ ჰქონდეს რაიმე ტიპის რეკომენდაცია, მით უფრო, მას რეკომენდაციები ექნება არაწევრ ქვეყანასთან. ზოგადად, არაერთ რეზოლუციაშია ჩაწერილი, რომ საქართველო ნამდვილად არის თავსებადი ევროპასთან, უბრალოდ, ახლა ეს დამოკიდებულია პოლიტიკაზე. აღინიშნა, რომ პრაქტიკულად ყველა რეკომენდაცია შესრულებულია, თუმცა გარკვეული ტიპის რეკომენდაციები, ბუნებრივია, რომ გაგრძელდება. ეს გაგრძელდება არა მხოლოდ კანდიდატის სტატუსის მიღებამდე, არამედ შემდეგაც. კანდიდატის სტატუსის მიღება არ ნიშნავს რეფორმების დასრულებას. ეს ისეთი სფეროებია, რომ მუდმივად განახლებადია, მათ შორის ევროკავშირის ქვეყნებში. ეს შეტყობინება პოზიტიურია. თუ ვინმეს წინსვლა და კანდიდატის სტატუსი არ უხარია, ვიცით, ვინც არიან - ისინი განაგრძობენ თავიანთ სამყაროში ცხოვრებას. ჩვენთვის და საქართველოსთვის კი ეს პოზიტიური სიგნალია“, - განცხადება გურამ მაჭარაშვილმა.

რაც შეეხება რეზოლუციის იმ ნაწილს, სადაც მედიაგარემოზეა საუბარი, მაჭარაშვილის თქმით, „თუ სადმე შეიძლება იყოს მედიის თავისუფლების ხარისხი, ეს არის საქართველო“.

„საკანონმდებლო ბაზიდანაც რომ დავიწყოთ, სუბიექტს რამდენიმე დღეში შეუძლია ტელევიზია შექმნას, შექმნის შემდეგ კი არანაირი წნეხი არ არსებობს მედიაზე. თავად მედიის მხრიდან ხდება მედიასტანდარტების დარღვევა - სიყალბის გავრცელებით, სიძულვილის ენით და ა.შ. მედიათავისუფლების მიმართულებით სხვა პრობლემა არ არსებობს“, - განაცხადა გურამ მაჭარაშვილმა.

ცნობისთვის, ევროპის საბჭოს საპარლამენტო ასამბლეა რეზოლუციაში მოუწოდებს საქართველოს ხელისუფლებას, შეასრულოს ევროკავშირის 12 რეკომენდაცია, რათა საქართველოს მიენიჭოს ევროკავშირის წევრობის კანდიდატის სტატუსი, რომლისკენაც იგი სამართლიანად ისწრაფვის. დოკუმენტში აღნიშნულია, რომ ევროპის საბჭოს საპარლამენტო ასამბლეა მიესალმება საქართველოს მიერ მიღწეულ პროგრესს ნაკისრი ვალდებულებების შესრულების კუთხით და მოუწოდებს ყველა პოლიტიკურ ძალას, მიმართონ ამ რეზოლუციაში გამოხატულ დანარჩენ რეკომენდაციებსა და შეშფოთებას. ამასთან, ასამბლეა შეშფოთებას გამოხატავს ქვეყანაში არსებული უკიდურესი პოლიტიკური პოლარიზაციის გამო.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024