სანდრო რაქვიაშვილი ევროპის საბჭოს რეზოლუციაზე - მშვენიერი რეზოლუციაა, მის მოწოდებებსაც ჩვენი მოსახლეობის დიდი ნაწილი ალბათ, იზიარებს, თუმცა არ მგონია, ისინი შესრულდეს

მშვენიერი რეზოლუციაა, მის მოწოდებებსაც ჩვენი მოსახლეობის დიდი ნაწილი, ალბათ, იზიარებს, თუმცა, არ მგონია, ისინი შესრულდეს, - ამის შესახებ ჟურნალისტებთან „გირჩის“ დეპუტატმა სანდრო რაქვიაშვილმა განაცხადა, რითაც ევროპის საბჭოს საპარლამენტო ასამბლეის მიერ მიღებულ რეზოლუციას გამოეხმაურა.

რაქვიაშვილი მიიჩნევს, რომ „ქართულ ოცნებას“ და "ნაციონალურ მოძრაობას" პოლარიზაციის დასრულების პოლიტიკური ნება არ აქვს, ხოლო ევროკავშირის რეკომენდაციების პუნქტები კიდევ შეუსრულებლად გამოიყურება.

„მშვენიერი რეზოლუციაა და მის მოწოდებებს, ალბათ, მოსახლეობის დიდი ნაწილიც იზიარებს, კერძოდ იმას, რომ პოლიტიკურმა სპექტრმა უნდა დაასრულოს პოლარიზაცია და უნდა შესრულდეს ის პუნქტები, რომელიც მოგვცემს კანდიდატის სტატუსს. თუმცა, მეორე საკითხია, რომ ასეთი მოწოდებები პირველად არ არის გაჟღერებული და არც ერთ წინა შემთხვევაში რაიმე განსაკუთრებული ეფექტი არ ჰქონია, პირიქით, პოლარიზაცია გაღრმავდა და დაპირისპირებაში გადადის. პუნქტები კიდევ შეუსრულებლად გამოიყურება. არ მგონია, ეს მოწოდებები შესრულდეს. როგორც მინიმუმ, ჩვენი მოქალაქეების არჩეულ პოლიტიკოსებს რუსეთის აგენტობა არ უნდა ვაბრალოთ, რადგან შეიძლება ვიღაც იყოს აგენტი და ვიღაც მოღალატე, მაგრამ მოღალატე და აგენტი ვერ იქნება "ნაციონალური მოძრაობის" 500 ათასი ამომრჩეველი და „ქართული ოცნების" მილიონი ამომრჩეველი. ცხადია, პოლარიზაციის დასრულების მიმართულებით ნაბიჯების გადადგმის თვალსაზრისით, „ქართულ ოცნებას“ მეტი პასუხისმგებლობა აქვს, რადგან ძალაუფლება მას აქვს, მაგრამ ჯერ არაფერი ეტყობა არც „ქართულ ოცნებას“ და „ნაციონალურ მოძრაობა“, რომ დაპირისპირების დასრულებას გეგმავენ”, - განაცხადა რაქვიაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს