მთის ტრასების სააგენტო - ხელოვნური გათოვლიანების სისტემები ჩართულია და სასრიალო ტრასები იდეალურად არის მომზადებული

მთის ტრასების სააგენტო აცხადებს, რომ მიმდინარე პერიოდში ბუნებრივი კლიმატი საშუალებას იძლევა, რომ გუდაურისა და სნოუპარკის ტრასებმა სრულყოფილად იფუნქციონიროს - ხელოვნური გათოვლიანების სისტემები ჩართულია და სასრიალო ტრასები იდეალურად არის მომზადებული.

ამით მთის ტრასების სააგენტო ეხმაურება ერთ-ერთი მედიის მიერ გავრცელებულ ინფორმაციას, რომლის თანახმად, გუდაურსა და ბაკურიანში ტურისტული სეზონი ჩავარდა, რადგან შესაბამისმა უწყებებმა ვერ შეძლეს კურორტების სათანადოდ მომზადება.

„გვსურს გამოვეხმაუროთ „ტვ პირველის“ ეთერში გასულ მასალას, სადაც აღნიშნული იყო, რომ „ზამთრის კურორტებზე - გუდაურსა და ბაკურიანში ტურისტული სეზონი ჩავარდა, რადგან შესაბამისმა უწყებებმა ვერ შეძლეს კურორტების სათანადოდ მომზადება.“

ხაზგასმით ვაცხადებთ, რომ ტელეკომპანიის განცხადება მიზანმიმართულად ემსახურება არამხოლოდ საქართველოს კურორტების, არამედ ქვეყნის დისკრედიტაციას, მითუმეტეს, იმ ფაქტის გათვალისწინებით, რომ საქართველო ძალიან აქტიურად ემზადება ფრისტაილის 2023 წლის ჩემპიონატის ჩასატარებლად და საერთაშორისო სათხილამურო ფედერაციის მხრიდან გვაქვს დადებითი შეფასებები როგორც ინფრასტრუქტურულ, ისე საორგანიზაციო ნაწილში.

გვსურს საზოგადოებამ იცოდეს, რომ ბუნებრივი თოვლის არმოსვლის გამო, გუდაურში ხელოვნური გათოვლიანების პროცესი დაიწყო მაშინვე, როგორც კი კლიმატურმა პირობებმა მოგვცა ამის შესაძლებლობა (ხელოვნური გათოვლიანებისთვის აუცილებელია დაბალი, მინუს ტემპერატურა) - 2022 წლის 21 დეკემბრიდან ჩვენი გუნდი 24 საათიან, უწყვეტ რეჟიმში მუშაობდა იმისთვის, რომ მოემზადებინა სასრიალო ტრასები. შესაბამისად, პირველ ეტაპზე, ხელოვნური თოვლის დაგროვების შედეგად, მიმდინარე წლის 11 იანვარს გაიხსნა სნოუპარკის ტრასა, ხოლო 13 იანვარს - გუდაურას სასრიალო ტრასა. მიმდინარე პერიოდში ბუნებრივი კლიმატი გვაძლევს საშუალებას, რომ გუდაურისა და სნოუპარკის ტრასებმა სრულყოფილად იფუნქციონიროს - ხელოვნური გათოვლიანების სისტემები ჩართულია და სასრიალო ტრასები იდეალურად არის მომზადებული.

2023-2024 წლებში გუდაურში კიდევ 2 სათხილამურო ტრასაზე დამონტაჟდება ხელოვნური გათოვლიანების სისტემები, რაც, ჯამში, მოგვცემს საკმაოდ დიდ სასრიალო არეალს.

გარდა ამისა, უკვე დამონტაჟებულია 29 კმ-იანი ხელოვნური გათოვლიანების სისტემა ბაკურიანში (დიდველის, კოხტასა და მიტარბის არეალში), სადაც წელს ფრისტაილის მსოფლიო ჩემპიონატი ტარდება. უნდა აღინიშნოს, რომ ასეთი პროექტი ერთიან კონტრაქტში მსოფლიოს მასშტაბით არ განხორციელებულა.

ასევე აღსანიშნია, რომ ბაკურიანში აქტიურად მიმდინარეობს საშეჯიბრო ტრასების გათოვლიანება, მსოფლიო ჩემპიონატის პროექტის ფარგლებში აშენებულია სამი ახალი საბაგირო, ასევე წყლის ორი ხელოვნური რეზერვუარი, რომელიც აუცილებელია ხელოვნური გათოვლიანების სისტემის სრულფასოვანი ფუნქციონირებისთვის. სულ გაკეთებულია 6 ახალი საშეჯიბრო ტრასა, შეძენილია სპეცტექნიკა და უსაფრთხოების ინვენტარი.

ინფორმაციისთვის აქვე განვმარტავთ, რომ ხელოვნური გათოვლიანებისთვის აუცილებელია შესაბამისი კლიმატი - იმისთვის, რომ ხელოვნური გათოვლიანების სისტემებით სასრიალო ტრასები კარგი თოვლით დაიფაროს, საჭიროა მაქსიმალურად დაბალი (მინუს) ტემპერატურა, ასევე უნდა იყოს ჰაერის დაბალი ტენიანობა და არ უნდა ქროდეს ძლიერი ქარი. აღსანიშნავია ისიც, რომ ხელოვნური გათოვლიანებისთვის საჭიროა წყლის დიდი რაოდენობა.

აქედან გამომდინარე, მოვუწოდებთ მედიასაშუალებებს, შესაბამის უწყებებთან გადაამოწმონ და ისე მიაწოდონ საზოგადოებას ზამთრის კურორტებთან დაკავშირებული ინფორმაცია“,- ნათქვამია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი