გიორგი რუხაძე - თუ იარაღს არ მიაწოდებ უკრაინას, ეს ვერ გააჩერებს რუსეთს, თუ თავდასხმა უნდა - რაც შეეხება კასიანოვის განცხადებებს, გერმანიაში უკრაინის ელჩთან შედარებით, იავნანასავითაა

თუ იარაღს არ მიაწოდებ უკრაინას, ეს ნამდვილად ვერ გააჩერებს რუსეთს, თუ თავდასხმა უნდა, - ამის შესახებ საერთაშორისო ურთიერთობათა სპეციალისტმა გიორგი რუხაძე „პალიტრანიუსის“ ეთერში, გადაცემაში „რეზიუმე“ განაცხადა.

ექსპერტმა უკრაინის მიმართ საქართველოს მხარდაჭერის კონტექსტში ისაუბრა სამხედრო დახმარების მნიშვნელობაზე და თქვა, რომ ეს იქნებოდა „აქტი“.

„არ შეიძლებოდა "ბუკები" მიგვეწოდებინა, რომელსაც გვთხოვდნენ? - ხომ შეიძლებოდა. ჩემზე რომ იყოს დამოკიდებული, იარაღითაც მივეხმარებოდი უკრაინას, რადგან იქნებოდა აქტი და ჟესტი - არა ის, რომ ქართული იარაღის გარეშე უკრაინას დიდად რამე დააკლდება.

მერწმუნეთ, თუ იარაღს არ მიაწოდებ უკრაინას, ეს ნამდვილად ვერ გააჩერებს რუსეთს, თუ თავდასხმა უნდა. სხვა მიზეზი გამოჩნდება, რის გამოც რუსეთი თავს დაგესხმება, თუ სტრატეგიულად ჩათვლის, რომ საჭიროა. ამ არგუმენტს ვერ მივიღებ. მესმის, რომ საზოგადოებაზე მოქმედებს ომის შიში. მანიპულირება ძალიან გავრცელებული ამბავია. იარაღით დახმარება არ არის ისეთი, რომ მაინცადამაინც ტელეეთერში გადასცე. შეგიძლია ეს ყველაფერი პარტნიორებს დახმარებით გააკეთო“, - განაცხადა რუხაძემ.

რუხაძემ ისაუბრა საქართველოში უკრაინის საქმეთა დროებითი რწმუნებულის ანდრეი კასიანოვის ბოლოდროინდელ განცხადებებთან დაკავშირებითაც.

როგორც რუხაძე აცხადებს, საქართველოს ხელისუფლება მიესალმა რუსეთის საგარეო საქმეთა მინისტრის სერგეი ლავროვის განცხადებას ფრენების აღდგენასთან დაკავშირებით და თუ ეს მოხდება, იქნება არამეგობრული აქტი უკრაინის მიმართ და სწორედ აღნიშნულზე ჰქონდა კასიანოვს რეაგირება.

„საქართველოს ხელისუფლება მიესალმა, თუ რუსეთი ფრენებს აღადგენს, მაშინ, როდესაც ევროკავშირის არც ერთი ქვეყანა არ აწარმოებს ფრენას [რუსეთთან], ჩაკეტილი სივრცის პოლიტიკა აქვს. თუ ეს მოხდება, არამეგობრული პოლიტიკაა უკრაინის მიმართ, მტრული აქტია. შესაბამისად, ამაზე იყო რეაგირება“,- განაცხადა რუხაძემ.

ექსპერტის თქმით, მწვავე განცხადებები არის უკრაინის ცენტრალური ხელისუფლების პოლიტიკა, რითაც კიევი პარტნიორებისგან „მხარდაჭერის გამოწურვას“ ცდილობს.

„ჩვენ მარტო კასიანოვის განცხადებებს ვუყურებთ და არ ვამახვილებთ ყურადღებას, რა განცხადებებს აკეთებს მაგალითად, გერმანიაში უკრაინის ელჩი, მას შემდეგ, რაც შოლცმა „ლეოპარდებთან“ მიმართებაში ცოტა არ იყოს "დაატორმუზა". გერმანიაში უკრაინის ელჩის განცხადებებთან შედარებით კასიანოვის განცხადება იავნანასავით არის. ეს არის უკრაინის პოლიტიკა, რა თქმა უნდა, ის შეტევაზე გადადის და მაქსიმალურად მწვავე განცხადებებით ცდილობს მხარდაჭერის ბოლომდე გამოწურვას პარტნიორებისგან“, - აღნიშნა რუხაძემ და დასძინა, რომ ეს სწორი პოლიტიკაა უკრაინის მხრიდან და კარგია ლუსტრაციისთვის, რადგან ხელისუფლებას ამაზე „რეაგირება უწევს“.

ექსპერტმა მაგალითად გენერატორები მოიყვანა, მისი თქმით, რომ არა კასიანოვის განცხადებები, გენერატორები კიევში არ ჩავიდოდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024