ვიქტორ ორბანი - უკრაინა ავღანეთი ხდება
უკრაინა ავღანეთი ხდება , - ამის შესახებ უნგრეთის პრემიერ - მინისტრმა ვიქტორ ორბანმა ბუდაპეშტში ჟურნალისტებთან შეხვედრისას განაცხადა, როდესაც თავისი პოზიცია გამოთქვა უკრაინაში რუსეთის ომში არსებული ვითარების შესახებ.
ორბანი ფიქრობს, რომ დიდი ხანია, გავიდა ის დრო, როდესაც რუსეთი შეძლებდა უკრაინის დაპყრობას და ქვეყანაში პრორუსული მთავრობის დაყენებას.
ამიტომ, მისი თქმით, რუსეთის ფედერაციის მიზანია უკრაინის უკონტროლო ნანგრევად გადაქცევა, რათა დასავლეთმა ის „პრიზის სახით“ არ მოითხოვოს.
მისი თქმით, რუსებმა უკვე მიაღწიეს წარმატებას ამაში, რადგან ახლა უკრაინა, ისევე როგორც ავღანეთი „არავის მიწა" არ არის.
უნგრეთის პრემიერ-მინისტრმა ასევე აღნიშნა, რომ ომში ნატოს ჯარების უშუალო მონაწილეობა არ არის გამორიცხული. მას მიაჩნია, რომ თუ რუსეთის მომავალი საგაზაფხულო შეტევა წარმატებული იქნება, მაშინ ნატოს წევრმა ქვეყნებმა უნდა განიხილონ უკრაინაში ჯარების გაგზავნა.
მიუხედავად იმისა, რომ უკრაინა წინ მიიწევს ომში, ორბანი არ ფიქრობს, რომ ეს დიდხანს გაგრძელდება.
მან მიუთითა რუსების საწარმოო სიმძლავრეზე და აღნიშნა, რომ ომებში, რუსები, თავიდან, ტრადიციულად, უფრო სუსტები არიან, მაგრამ მოგვიანებით „მათი შეჩერება შეუძლებელია“.
