გიული ალასანია - მზადდებოდა ოპერაცია უკრაინაში და ამ დროს სააკაშვილი არ უნდა ყოფილიყო ზელენსკის გვერდით - კრემლმა ამ ამოცანას მიაღწია და ჰყავთ ახლა გამოკეტილი წელიწადი და ოთხი თვეა

მზადდებოდა ოპერაცია უკრაინაში და ამ დროს ის [მიხეილ სააკაშვილი] არ უნდა ყოფილიყო ზელენსკის გვერდით, ეს იყო ამოცანა და ამ ამოცანას მიაღწია კრემლმა - ჰყავთ ახლა აქ გამოკეტილი წელიწადი და ოთხი თვეა,- ამის შესახებ მიხეილ სააკაშვილის დედამ გიული ალასანიამ ჟურნალისტებთან ქვეყნის მესამე პრეზიდენტის Spiegel-ში გამოქვეყნებული ინტერვიუს შეფასებისას განაცხადა.

გიული ალასანიას თქმით, სამწუხაროა, რომ კრემლი თავის სპეცოპერაციას საქართველოს ხელისუფლების ხელით ახორციელებს.

„Spiegel-მა დაბეჭდა [ინტერვიუ] საკმაოდ ვრცლად და ეს უკვე მეტყველებს ძალიან დიდ ინტერესზე დასავლურ საზოგადოებაში და საერთოდ მსოფლიოში. ამასთან დაკავშირებით, გაიმართა რაღაც სპეკულაცია საზოგადოებაში, ვინ იგულისხმება, როგორ იგულისხმება, რა იგულისხმება - არავითარი ქართველი იქ არ იგულისხმება არანაირად, ლაპარაკია უკრაინაზე. ახლა ყველაზე გავრცელებული ტერმინია საინფორმაციო-ფსიქოლოგიური სპეცოპერაცია და ჩემი შვილის შემთხვევაში ასე იყო, რომ მიდიოდნენ სხვადასხვა ადგილებში, სადაც ნახავდნენ, აეროპორტი იქნებოდა, კაფე იქნებოდა თუ ქუჩა, მიდიოდნენ და არწმუნებდნენ, რომ მისი ჩამოსვლა სასწრაფოდ არის აუცილებელი და ეს უსათუოდ უნდა მოხდეს ოქტომბრამდე. რატომ? - იმიტომ, რომ მზადდებოდა ოპერაცია უკრაინაში და ამ დროს ის არ უნდა ყოფილიყო ზელენსკის გვერდით, ეს იყო ამოცანა და ამ ამოცანას მიაღწია კრემლმა - ჰყავთ ახლა აქ გამოკეტილი წელიწადი და ოთხი თვეა, ფაქტობრივად კლავენ. კრემლი აკეთებს ამას, ეს არის კრემლის სპეცოპერაცია, რომელსაც, სამწუხაროდ, აკეთებენ ქართული ხელისუფლების ხელით“, - განაცხადა გიული ალასანიამ.

ცნობისთვის, გერმანულმა გამოცემა Spiegel-მა მიხეილ სააკაშვილის ვრცელი ინტერვიუ გამოაქვეყნა, სადაც ქვეყნის ყოფილი პრეზიდენტი ბევრ საკითხთან ერთად ყურადღებას იმაზეც ამახვილებს, რომ „საქართველოს მთავრობა რუსეთისთვის სასარგებლო ინსტრუმენტია საერთაშორისო სანქციებისთვის გვერდის ასავლელად“.

მიხეილ სააკაშვილის თქმით, რუსეთის პრეზიდენტმა ვლადიმერ პუტინმა, მისმა წინამორბედმა დიმიტრი მედვედევმა და რუსეთის საგარეო საქმეთა მინისტრმა არა მხოლოდ მისი ფიზიკურად განადგურების, არამედ, საქართველოში დაკავებისა და გასამართლების ბრძანება გასცეს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?