ლაშა ფარულავა - ყველა ის ადამიანი, ვინც არაკეთილსინდისიერი მიზნებით დარეგისტრირდა „ნაციონალური მოძრაობის“ შიდა არჩევნებში, გაფილტრულია, მათ კლოუნადას მოწყობის მცდელობა ჩავუშალეთ

მიმაჩნია, რომ ლევან ხაბეიშვილი 30 იანვარს, თავის 30 000 მხარდამჭერთან ერთად გაიმარჯვებს და „ნაციონალურ მოძრაობაში“ პოზიტიური ცვლილებები დაიწყება, - ამის შესახებ „ნაციონალური მოძრაობის“ წევრმა და ლევან ხაბეიშვილის წარმომადგენელმა, ლაშა ფარულავამ განაცხადა.

მისი თქმით, არჩევნებზე არაკეთილსინდისიერი მიზნებით დარეგისტრირებული ადამიანები გაფილტრეს. როგორც ფარულავამ აღნიშნა, ამით სხვა პარტიების წარმომადგენელ პოლიტიკოსებს „კლოუნადას მოწყობის მცდელობა ჩაუშალეს“.

ასევე, ლაშა ფარულავამ აღნიშნა, რომ „ნაციონალური მოძრაობის“ ნებისმიერი მოქმედება და რეფორმა მიხეილ სააკაშვილის გათავისუფლებას ემსახურება.

„არჩევნები უკვე დაწყებულია და ნებისმიერ დარეგისტრირებულ ამომრჩეველს შეუძლია შევიდეს ონლაინ კაბინაში და დააფიქსიროს პოზიცია. ყველა კანდიდატს ჩვენი დამოკიდებულება გვაქვს. მიმაჩნია, რომ ლევან ხაბეიშვილი 30 იანვარს, თავის 30 000 მხარდამჭერთან ერთად გაიმარჯვებს და „ნაციონალურ მოძრაობაში“ პოზიტიური ცვლილებები დაიწყება.

არ მაქვს უფლება, საჯაროდ ვთქვა, თუ ვინ გავფილტრეთ არჩევნებზე დარეგისტრირებული ხალხიდან, თუმცა, პირდაპირ ვაცხადებ, რომ იმ პოლიტიკოსებს, რომლებსაც დარეგისტრირებით კლოუნადას მოწყობა უნდოდათ, ჩვენ ეს ჩავუშალეთ. ყველა ის ადამიანი, ვინც არაკეთილსინდისიერი მიზნებით დარეგისტრირდა „ნაციონალური მოძრაობის“ შიდა არჩევნებში, გაფილტრულია.

ამ პარტიის ნებისმიერი მოქმედება და რეფორმა მიხეილ სააკაშვილის გათავისუფლებას ემსახურება. ყველა კანდიდატის ძირითადი მიზანი ეს არის. განსხვავებული სტრატეგიები და გზები გვაქვს, თუმცა ვთანხმდებით, რომ ყველამ ერთად უნდა შევცვალოთ ის დღის წესრიგი, რომელიც კრემლიდან მომდინარეობს“, - განაცხადა ლაშა ფარულავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024