ადვოკატთა ასოციაციამ სირაქიუზის უნივერსიტეტის დელეგაციას უმასპინძლა

ნიუ იორკის შტატის სირაქიუზის უნივერსიტეტისა და საქართველოს ადვოკატთა ასოციაციის თანამშრომლობის ფარგლებში, სირაქიუზის უნივერსიტეტის სამართლის სკოლა საქართველოს მართლმსაჯულების სისტემასთან თანამშრომლობის გაფართოებას გეგმავს, რაც მიზნად საქართველოში კანონის უზენაესობისა და იურიდიული პროფესიის შემდგომ გაძლიერებას ისახავს, - ამის შესახებ ინფორმაციას ადვოკატთა ასოციაცია ავრცელებს.

მათივე ცნობით, აღნიშნული თანამშრომლობის ფარგლებში ადვოკატთა ასოციაციის მასპინძლობით საქართველოში სამუშაო ვიზიტით მყოფმა დელეგაციის წევრებმა, მოსამართლე/პროფესირმა ჯეიმს ბეიკერმა და სირაქიუზის უნივერსიტეტის სამართლის სკოლის დეკანის მოადგილემ, ენდრიუ ჰორსფოლმა, შეხვედრები გამართეს მართლმსაჯულების, სახელისუფლებო და არასამთავრობო ორგანიზაციების წარმომადგენლებთან, კერძოდ, დელეგაციის წევრები თავდაცვის მინისტრის პირველ მოადგილეს, გენერალურ პროკურორს, უზენაესი სასამართლოს თავმჯდომარესა და მოსამართლეებს, ასევე, განათლებისა და მეცნიერების სამინისტროს განათლების საერთაშორისო ცენტრისა და საერთაშორისო პროგრამირების დეპარტამენტის წარმომადგენლებს შეხვდნენ.

„შეხვედრების მთავარი თემები იყო: საქართველოს მართლმსაჯულების სისტემისა და იურიდიული განათლების სფეროში არსებული გამოწვევები, მათი გადაჭრის გზები და ამ პროცესში სირაქიუზის უნივერსიტეტის სამართლის სკოლის ჩართულობის ფორმატები.

შეხვედრის ფარგლებში, პროფესორ ჯეიმს ბეიკერისა და ენდრიუ ჰორსფოლის მონაწილეობით ეროვნული უსაფრთხოების თემაზე ბენჩ-ბარიც ჩატარდა, რომელშიც ადვოკატები და პროკურორები მონაწილეობდნენ. ასევე, პროფესორმა, ჯეიმს ბეიკერმა ადვოკატებისთვის ლექცია ჩაატარა თემაზე - საადვოკატო საქმიანობა და ეროვნული უსაფრთხოება, მათ შორის, ადვოკატის პროფესიული საიდუმლოების საკითხები.

შეგახსენებთ, რომ 2021 წელს საქართველოს ადვოკატთა ასოციაციასა და სირაქიუზის უნივერსიტეტს შორის ურთიერთთანამშრომლობის მემორანდუმი გაფორმდა, რომლის ფარგლებში საქართველოს ადვოკატთა ასოციაციის წევრებსა და პროფესიული ადაპტაციის პროგრამის მონაწილეებს საშუალება აქვთ ისარგებლონ სპეციალური სტიპენდიით, რომელიც ყველა სასწავლო პროგრამაზე ვრცელდება - მაგისტრატურა (LLM), დოქტორანტურა (PhD), იურის დოქტორი (J.D) და პროგრამის ღირებულების მინიმუმ 50%-იან თანადაფინანსებას მოიცავს.

მემორანდუმი, ასევე, ადვოკატთა ასოციაციის წევრების, ლექტორების და ტრენერების მონაწილეობას ითვალისწინებს სირაქიუზის უნივერსიტეტის სხვადასხვა მოკლევადიან გაცვლით და კვლევით პროგრამებში“, - ნათქვამია გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი