ლევან ბეჟაშვილი - „ნაციონალური მოძრაობის“ თავმჯდომარის არჩევნებში მონაწილეობა, ამ დროისთვის, დაახლოებით, 16 000-ზე მეტმა ამომრჩეველმა მიიღო

„ნაციონალური მოძრაობის“ ერთ-ერთი ლიდერის, ლევან ბეჟაშვილის განცხადებით, წინასწარი სტატისტიკური მონაცემებით, არჩევნებში სავარაუდოდ, ლევან ხაბეიშვილი პირველივე ტურში გაიმარჯვებს.

მისი თქმით, ამ დროისთვის კენჭისყრაში მონაწილეობა 16 000-ზე მეტმა ამომრჩეველმა მიიღო.

„ხმის მიცემის პროცედურა აქტიურად მიმდინარეობს. დაახლოებით, 2 საათისთვის, ამომრჩეველთა 1/3-მა უკვე მისცა ხმა, ეს მეტყველებს იმაზე, რომ პარტიის აქტივს სურს პარტიაში ცვლილებები, ამიტომ ეს აქტივობა ამით არის განპირობებული. ჩვენი წინასწარი სტატისტიკური მონაცემებით, სავარაუდოდ, გამარჯვებული პირველივე ტურში გამოვლინდება. ჩვენი ანალიტიკური მასალების საფუძველზე დარწმუნებულები ვართ, რომ ლევან ხაბეიშვილი პირველივე ტურში გაიმარჯვებს, თუმცა, ეს არის მხოლოდ და მხოლოდ პროგნოზი, საბოლოო გადაწყვეტილება ჩვენმა ამომრჩევლებმა უნდა მიიღონ, ამიტომ მოვუწოდებთ ყველა ამომრჩეველს, ვისაც სურს პარტიაში ცვლილებები, რომ აქტიურად დაუჭირონ მხარი ლევან ხაბეიშვილის კანდიდატურას“, - განაცხადა ბეჟაშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი