„ნაციონალური მოძრაობის" თავმჯდომარეობის არჩევნებში ამომრჩეველთა 50%-ზე მეტმა საკუთარი არჩევანი უკვე დააფიქსირა. ამის შესახებ საარჩევნო კომისიის წევრმა ნინო კვიტაიშვილმა განაცხადა.

მისი თქმით, მეორე ტური გაიმართება თუ არა, ამას ამომრჩეველი წყვეტს.

„18:00 საათის მონაცემებით, ხმა მისცა 25 291-მა ამომრჩეველმა, რაც ნიშნავს იმას, რომ არჩევნებში მონაწილეობა ამომრჩეველთა სიის 50%-ზე მეტმა მიიღო. ეს მიგვითითებს თუ რაოდენ მნიშვნელოვანია ჩვენი ამომრჩევლისთვის ის პროცესები, რომელიც მიმდინარეობს „ნაციონალურ მოძრაობაში" და ვინ დაიკავებს თავმჯდომარის პოსტს. პარტიაში მუშაობს ცხელი ხაზი - 0322471155, სადაც კანდიდატების წარმომადგენლები მუშაობენ, ისინი არიან სწორედ ოპერატორები. მეორე ტური გაიმართება თუ არა, ამას წყვეტს ჩვენი ამომრჩეველი. გამორიცხვა შეუძლებელია, რადგან ამომრჩეველი საკმაოდ აქტიურია ", - განაცხადა კვიტაიშვილმა.