ამ დროის მონაცემებით, „ნაციონალური მოძრაობის“ თავმჯდომარის არჩევნებში მონაწილეობა 31 275-მა ადამიანმა მიიღო

უკანასკნელი მონაცემებით, „ერთიანი ნაციონალური მოძრაობის“ თავმჯდომარის არჩევნებში მონაწილეობა 31 275-მა ადამიანმა მიიღო.

ამის შესახებ პარტიის ერთ-ერთმა ლიდერმა, კობა ნაყოფიამ არჩევნების პირველი დღის შემაჯამებელ ბრიფინგზე განაცხადა.

მან ასევე აღნიშნა, რომ დაფიქსირდა მცირე ტექნიკური ხარვეზები, რომელთა აღმოფხვრა მიმდინარეობს.

„აქტივობა არის ძალიან მაღალი. თქვენ იცით, რომ ბოლო მონაცემებით დარეგისტრირდა 49638 ადამიანი და აქედან 31275-მა უკვე მიიღო არჩევნებში მონაწილეობა. დღეს, დღის განმავლობაში მუშაობდა და 24-საათის რეჟიმში მუშაობს „ერთიან ნაციონალურ მოძრაობაში“ ქოლცენტრი. მინდა გითხრათ, რომ დაახლოებით, 300 ზარამდე არის შემოსული. ძირითადად, ზარები ეხება იმას, რომ ხმის მისაცემად დარეგისტრირებულ ადამიანს არ მისდის კოდი, მეორე კითხვა ეხება იმას, რომ ლინკს ვერ ხსნიან, უფრო ასეთი ტიპის ხარვეზებთან გვაქვს საქმე. თუ ადამიანს არ მისდის კოდი, ჩვენს პარტნიორებთან გვქონდა საუბარი და ხელმეორედ გაეგზავნება და ყველა მიიღებს ამ კოდს, თუ ვინმე ვერ მიიღებს კიდევ ერთხელ ვთხოვ, რომ დაუკავშირდეს პარტიის ცხელ ხაზს და მას აღმოუჩენენ სათანადო დახმარებას. თუმცა მინდა გითხრათ, რომ ქოლცენტრთან დაკავშირების შემდეგ ბევრმა შეძლო დარეგისტრირება და ბევრმა შეძლო ხმის მიცემა. ასევე, ისიც უნდა აღვნიშნო, რომ 31 275 ადამიანიდან დაახლოებით, 300 ზარი არც თუ ისე მაღალი რიცხვია. თუმცა, ჩვენი ამოცანაა რომ თითოეული მხარდამჭერმა შეძლოს ხმის მიცემა და ამისთვის საარჩევნო კომისია, ტექნიკური ჯგუფი, ქოლცენტრი, ყველაფერს გააკეთებს აუცილებლად. კენჭისყრა დასრულდება 30 იანვარს, დილის 10:00 საათზე, ამიტომ მოვუწოდებ ყველა ჩვენს მხარდამჭერს და პარტიის წევრს იაქტიურონ და მიიღონ მონაწილეობა არჩევნებში. კიდევ ერთხელ ყველას მინდა ვთხოვო, არ გააგზავნონ თავისი კოდი, რაც მათ მისდით SMS-ის სახით სხვასთან, რათა არ მოხდეს ამ კოდის სხვა ადამიანების მხრიდან გამოყენება, ან არ მოხდეს ისე, რომ მისი ხმა დაიკარგოს“, - განაცხადა კობა ნაყოფიამ.

მან ასევე აღნიშნა, რომ ელექტრონულმა სისტემამ, რომლითაც ხორციელდება ხმის მიცემის პროცესი, გაამართლა და იმედი გამოთქვა, რომ მალე ქვეყანაში მნიშვნელოვანი არჩევნებიც მსგავსი სისტემით ჩატარდება.

როგორც კობა ნაყოფიამ თქვა, „ნაციონალური მოძრაობა“ მზად არის გააზიაროს თავისი გამოცდილება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი