უკრაინის შეიარაღებული ძალების გენშტაბი - ზაპოროჟიეს ატომური ელექტროსადგურის თანამშრომლებს, ვინც „როსატომზე“ მუშაობაზე უარი თქვა, სამუშაოზე აღარ უშვებენ
ზაპოროჟიეს ატომური ელექტროსადგურის თანამშრომლებს, ვინც „როსატომზე“ მუშაობაზე უარი თქვა, სამუშაოზე აღარ უშვებენ.
ინფორმაციას ამის შესახებ უკრაინის შეიარაღებული ძალების გენერალური შტაბი ავრცელებს.
„ოკუპანტები აგრძელებენ ადგილობრივ მოსახლეობაზე მორალურ-ფსიქოლოგიურ და ფიზიკურ ზეწოლას. ასე, ზაპოროჟიეს ატომური ელექტროსადგურის თანამშრომლებს, რომლებმაც ოკუპანტებთან სამუშაო კონტრაქტს არ მოაწერეს ხელი, სადგურზე შესასვლელი საშვები დაუბლოკეს, ხოლო თანამშრომლებს, რომლებსაც დააძალეს კონტრაქტისთვის მოეწერათ ხელი, ხელფასის შემცირების შესახებ განუცხადეს იმ მიზეზით, რომ სადგური არ მუშაობს“, - წერია უკრაინის გენერალური შტაბის განცხადებაში.
ცნობისთვის, აქამდე უკრაინული „ენერგოატომის“ წარმომადგენლებმა განაცხადეს, რომ რუსი სამხედროები სადგურის თანამშრომლებზე ახდენენ ზეწოლას და აძალებენ ატომური ელექტროსადგურის რუსულ ოპერატორთან კონტრაქტს მოაწერონ ხელი.
