„ერთიან ნაციონალურ მოძრაობაში“ მეორე დღეა თავმჯდომარის არჩევნები მიმდინარეობს
„ერთიან ნაციონალურ მოძრაობაში“ თავმჯდომარის არჩევნები მიმდინარეობს. ხმის მიცემის პროცესი ელექტრონულ რეჟიმში მეორე
დღეა ტარდება.
არჩევნებში მონაწილეობას ოთხი კანდიდატი: ნიკა მელია, ლევან ხაბეიშვილი, გიორგი მუმლაძე და ნონა მამულაშვილი იღებენ.
ხმის მიცემის პროცედურა 30 იანვარს დასრულდება და შედეგებიც ხვალ გახდება ცნობილი.
როგორც პარტიის პოლიტსაბჭოს თავმჯდომარე კობა ნაყოფიამ არჩევნების პირველი დღის შემაჯამებელ ბრიფინგზე განაცხადა, „ერთიანი ნაციონალური მოძრაობის“ თავმჯდომარის არჩევნებში მონაწილეობა ბოლო მონაცმებით, 31 275-მა ადამიანმა მიიღო.
მან ასევე აღნიშნა, რომ დაფიქსირდა მცირე ტექნიკური ხარვეზები, რომელთა აღმოფხვრა მიმდინარეობს.
