საარჩევნო კომისიის წევრი - ციფრებზე აპელირება და თქმა, რომ 10, 20, 30 ათასი ამომრჩეველი იყო კონკრეტული კანდიდატის მხარდამჭერი, არის საზოგადოების სიცრუეში შეყვანის მცდელობა

საარჩევნო კომისიის წევრის ნინო კვიტაიშვილის განცხადებით, "ნაციონალური მოძრაობის" თავმჯდომარის არჩევნებში ხმის მიცემის პროცესი აქტიურად მიმდინარეობს, თუმცა, ჯერჯერობით წინასწარ აქტივობაზე საუბარი რთულია.

როგორც მან ჟურნალისტებს განუცხადა, კონკრეტულ ციფრებზე აპელირება საზოგადოების შეცდომაში შეყვანის მცდელობაა.

"ათობით ათასმა ამომრჩეველმა, რომელიც არის რეგისტრირებული სისტემაში, ხმის მიცემა შეძლო. ეს პროცესი გრძელდება და დაზუსტებულ მონაცემებს 12:00, 15:00, 18:00 და 21:00 სთ-ზე გაგაცნობთ.

რაც შეეხება კონკრეტულ განცხადებებს იმასთან დაკავშირებით, რომ რომელიმე კანდიდატის ამომრჩეველმა უფრო იაქტიურა, თითქოს კონკრეტული მონაცემები არსებობს, რომ რომელიმე კანდიდატის მხარდამჭერმა უკვე მისცა ხმა, ლოგიკას მოკლებულია ერთი მარტივი გარემოებიდან გამომდინარე - ჩვენ ვერ ვხედავთ არათუ იმას, ვინ, ვის მისცა ხმა, არამედ იმასაც, რომელმა ამომრჩეველმა მისცა ხმა და რომელს არ მიუცია.

ამიტომ, ციფრებზე აპელირება და იმის თქმა, რომ 10,20, 30 ათასი ამომრჩეველი იყო კონკრეტული კანდიდატის მხარდამჭერი, უბრალოდ არის საზოგადოების სიცრუეში შეყვანის მცდელობა",- განაცხადა კვიტაიშვილმა.

რაც შეეხება ხარვეზებს, ნინო კვიტაიშვილი აღნიშნავს, რომ ამომრჩევლის ნაწილმა ვერიფიკაციის კოდი ვერ მიიღო.

"ჩვენ კომისიაზე ამ საკითხზე გვიან ღამემდე ვიმსჯელეთ. ავტომატურ რეჟიმში ისევ გაიგზავნება ამ ადამიანებთან სმს კოდი და მათ უნდა შეძლონ ხმის მიცემა",-განაცხადა კვიტაიშვილმა.

ის იმედოვნებს, რომ პრობლემა დროულად გამოსწორდება და ეს არჩევნების შედეგებზე გავლენას ვერ იქონიებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024