უკრაინა დრონების შესყიდვებს გაზრდის
უკრაინის თავდაცვის სამინისტრო 2023 წელს შეიარაღებული ძალებისთვის უპილოტო საფრენი აპარატების შესყიდვას გაზრდის.
ამის შესახებ Ukrinform-ისთვის მიცემულ კომენტარში გაერთიანებული ძალების მეთაურმა გენერალ-ლეიტენანტმა სერჰი ნაიევმა თავდაცვის მაღლჩინოსნების, გენერალური შტაბის, ეროვნული უპილოტო საფრენი აპარატების დიზაინერებისა და მწარმოებლების შეხვედრის შემდეგ განაცხადა.
მეთაურის თქმით, უკრაინის არმიის საჭიროებებისა და მოთხოვნების გათვალისწინებით, 2023 წელს ამ მიზნით დაახლოებით 20 მილიარდი უკრაინული გრივნა უნდა იყოს მიმართული.
ნაიევმა აღნიშნა, რომ ეს არის ძალიან დიდი წინგადადგმული ნაბიჯი, რადგან უპილოტო საფრენი აპარატებს შეუძლიათ შეასრულონ დავალებები ეკიპაჟის სიცოცხლის რისკის გარეშე.
„ამგვარად, უპილოტო საფრენი აპარატების მასობრივი გამოყენება საშუალებას მოგვცემს უფრო სწრაფად წავიწიოთ შეტევითი მოქმედებების დროს, ასევე მნიშვნელოვნად შევამციროთ მტრის საბრძოლო პოტენციალი და სრულად ვაიძულოთ თავი შეიკავონ შეტევითი გადაადგილებისგან გარკვეული მიმართულებით“, - აღნიშნა მან.
