გია ვოლსკი - საქმე გვაქვს საქართველოს წინააღმდეგ შეთქმულთა ძალიან დიდ ჯგუფთან - წამოცდენები, რომელიც თუნდაც გიული ალასანიას ჰქონდა, მიუთითებს, რომ არიან თაღლითები და ზუსტად იციან რეალური სიტუაცია

არსებობს გარკვეული დიეტა, მკურნალობის კურსი, რომელსაც არ იცავენ იმ მიზეზით, რომ როგორმე სააკაშვილის დაზიანება იყოს თვალხილული, საერთაშორისო თანამეგობრობა დაარწმუნონ იმაში, რომ სააკაშვილი ისეთ პირობებშია, რომელიც არ შეესაბამება დემოკრატიული ქვეყნის სტანდარტს. ამ პროცესში წამოცდენები, რომელიც თუნდაც გიული ალასანიას ჰქონდა, მიუთითებს იმაზე, რომ თავად არიან თაღლითები და ზუსტად იციან რეალური სიტუაცია , - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან საუბრისას განაცხადა.

მისივე თქმით, რადიკალური ოპოზიცია ცდილობს დაარწმუნონ სააკაშვილი, რომ გამათავისუფლებელი ჯარი გამოემართება კეზერაშვილის ფინანსური მხარდაჭერით, თუ პარტიის თავმჯდომარედ ხაბეიშვილი იქნება არჩეული.

„საქმე გვაქვს საქართველოს წინააღმდეგ შეთქმულთა, თაღლითების ძალიან დიდ ჯგუფთან, რომელიც პერიოდულად აღიარებს, რომ მიხეილ სააკაშვილი მაზოხისტურ საქმიანობას ეწევა საკუთარი თავის დაზიანების მიზნით და ყველამ ზუსტად იცის, რომ საქართველოს ჯანდაცვის სისტემას, „ვივამედს“ გააჩნია ის რესურსი, რომელიც საჭიროა მკურნალობისთვის.

არსებობს გარკვეული დიეტა, მკურნალობის კურსი, რომელსაც არ იცავენ იმ მიზეზით, რომ როგორმე სააკაშვილის დაზიანება იყოს თვალხილული, როგორმე საერთაშორისო თანამეგობრობა დაარწმუნონ იმაში, რომ სააკაშვილი ისეთ პირობებშია, რომელიც არ შეესაბამება დემოკრატიული ქვეყნის სტანდარტს. ამ პროცესში წამოცდენები, რომელიც თუნდაც გიული ალასანიას ჰქონდა, მიუთითებს იმაზე, რომ თავად არიან თაღლითები და ზუსტად იციან რეალური სიტუაცია.

მეორე მხრივ, არის პოლიტიკური პროცესი, რომლითაც ხასიათდება რადიკალური ოპოზიცია - დაარწმუნონ სააკაშვილი, რომ განმათავისუფლებელი ჯარი გამოემართება კეზერაშვილის ფინანსური მხარდაჭერით, თუ პარტიის თავმჯდომარედ ხაბეიშვილი იქნება არჩეული. ეს ორი შიდა საკითხია, რომელსაც დღეს რადიკალური ოპოზიცია ავითარებს, სამწუხაროდ, ოჯახის და დედის მონაწილეობით, რომელმაც ხელებიც კი გაშალა მაშინ, როდესაც უთხრეს, რომ პატიმრის შესაბამისი კვებაა საჭირო და ყურადღება სჭირდება.

არსებობს უფრო დიდი გლობალური პროცესი, მთავარი ამოცანა, რითაც უნდათ, რომ დასავლეთს თავი მოაწონონ, თითქოს, ისინი დემოკრატიული განვითარებისთვის იბრძვიან და რეალურად მზად არიან საქართველო ჩართონ საომარ მოქმედებებში, თუ ეს წარმოადგენს გარკვეულ საერთო ინტერესებს, ამისთვის ითხოვენ დახმარებას.

ეს თაღლითური მანიპულაციები, გააფთრებული ბრძოლა ყველა მეთოდის გამოყენებით „ნაციონალური მოძრაობის“ შიგნით მიუთითებს იმაზე, რომ არათუ არაჯანსაღ ძალასთან გვაქვს საქმე, არამედ მიუთითებს, რომ ეს არის მავნებელთა გაერთიანება, რომლებიც არ თაკილობენ არც თაღლითობას და არც უტიფრობას“, - აღნიშნავს ვოლსკი.

შეგახსენებთ, საქართველოს მესამე პრეზიდენტის მიხეილ სააკაშვილის დედამ, გიული ალასანიამ განაცხადა, რომ მათი თხოვნაა არა საზღვარგარეთ გადაყვანა, არამედ სასჯელის გადავადება.

"ადამიანი თავისუფალი, რომ იქნება თვითონ მიიღებს გადაწყვეტილებას სად წავიდეს, იქნებ აქ რჩება? აქ აპირებს მკურნალობის გაგრძელებას? ეს მე არ ვიცი", - განაცხადა გიული ალასანიამ მედიასთან.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი