დიმიტრი შაშკინი - თამამად შეგვიძლია ვთქვათ, რომ ჩვენი მონაცემებით, ლევან ხაბეიშვილი პირველივე ტურში იმარჯვებს

ჩვენი მონაცემებით, ლევან ხაბეიშვილი პირველივე ტურში იმარჯვებს , - ამის შესახებ „ნაციონალური მოძრაობის“ წევრმა დიმიტრი შაშკინმა განაცხადა.

მისივე თქმით, იმ ადამიანებს, ვისაც ვერიფიკაციის კოდი არ მიუვიდათ, დღეს ისინი მას 19:00 საათის შემდეგ მიიღებენ.

„ამ მომენტისთვის არჩევნებში 75%-ზე მეტმა პარტიის წევრმა უკვე მონაწილეობა მიიღო, ძალიან მაღალი ციფრია. დარწმუნებული ვარ, რომ არჩევნების ბოლომდე ციფრი კიდევ აიწევს. ჩვენ თამამად შეგვიძლია ვთქვათ, რომ ჩვენი მონაცემებით ლევან ხაბეიშვილი პირველივე ტურში იმარჯვებს. იმ ინფორმაციის საფუძველზე, რომელიც ჩვენთან რაიონული ორგანიზაციებიდან მოდის. ის 4 000 ადამიანი, რომელსაც კოდი არ მიუვიდათ, ამ კოდს 19:00 საათის შემდეგ მიიღებს. ჩვენ ვესაუბრეთ ამერიკულ კომპანიას და ის 19:00 საათის შემდეგ ხელახლა გაუგზავნის ვერიფიკაციის კოდს და ყველა ადამიანი ამ კოდს მიიღებს. ამ რაოდენობაში აბსოლუტური უმრავლესობა ჩვენი ამომრჩეველია, რომელმაც მიმართა ლევან ხაბეიშვილის შტაბს და თუ ვინმეს რაიმე პრობლემები აქვთ, გთხოვთ ცხელ ხაზს მიმართოთ და აუცილებლად ყველა პრობლემა მოგვარდება“, - აღნიშნა შაშკინმა.

ჟურნალისტის კითხვაზე, ნიკა მელიას მხარდამჭერები ამბობენ, რომ ლევან ხაბეიშვილმა პარტიის ცხელი ხაზის ნაცვლად მისი შტაბის ცხელი ხაზი გააჟღერა და ის ამით ამომრჩეველზე მანიპულირებს, დიმიტრი შაშკინმა უპასუხა, რომ ასეთი ბრალდებები მისთვის სასაცილოა.

„ასეთ სისულელე ბრალდებაზე თქვენც გეცინებათ. არ ვიცი, ეს უნდა ჰკითხოთ მას, ვინც ასეთ განცხადებებს აკეთებს. სოციალურ ქსელში ყველა ცხელი ხაზის ნომერი დევს, ნებისმიერ ადამიანს შეუძლია ლევან ხაბეიშვილის შტაბს მიმართოს, ცენტრალური ოფისის შტაბს და ნებისმიერ ჩვენგანს ფეისბუკის მეშვეობით მოგვმართონ. ჩემთანაც ბევრი ადამიანი რეკავს, მწერს და ყველას ვეხმარებით. ლევან ხაბეიშვილის შტაბმა მოამზადა ძალიან კარგი ინსტრუქციები იმისათვის, რომ ის ახალი ტექნოლოგიები, რომელიც ახლა არის დანერგილი განსაკუთრებით, ასაკოვან ხალხთან დაკავშირებით მარტივად გამოყენებული იყოს. კიდევ ერთხელ ვიმეორებ, ყველა ცხელი ხაზის ნომერი სოციალურ ქსელში დევს, ბუნებრივია ლევან ხაბეიშვილი, როგორც კანდიდატი ყოველთვის ისაუბრებს თავის ამომრჩევლებთან, მეც, როგორც ლევან ხაბეიშვილის მეგობარი და როგორც გუნდის წევრი ყოველთვის მოვუწოდებ ყველას, რომ ხმა მისცენ ლევან ხაბეიშვილს და არა სხვა კანდიდატს“,-განაცხადა დიმიტრი შაშკინმა.

ამასთან, მან მიხეილ სააკაშვილის ჯანმრთელობის მდგომარეობაზე ისაუბრა და აღნიშნა, რომ „ამ თვეების განმავლობაში ის სამედიცინო კურსი, რომელიც მას უტარდება არანაირი შედეგი არ აქვს.“

„ახლა ყველაფერი იურიდიულად, რაც შესაძლებელია უნდა გაკეთდეს. მიხეილ სააკაშვილი თავისი ფეხით კლინიკაში შევიდა, მას შემდეგ რაც კლინიკაშია, მისი მდგომარეობა მკვეთრად გაუარესდა. ამერიკულ ლაბორატორიაში ამერიკელი ექსპერტების მიერ დადგინდა, რომ მის სხეულში არის შხამი. ჩვენ არ ვიცით, ეს შხამი, როგორ მოხვდა. ეს ცალკე გამოძიების საგანია, თუმცა ფაქტია, რომ ამ თვეების განმავლობაში ის სამედიცინო კურსი, რომელიც მას უტარდება, არ გვაძლევს არანაირ შედეგს“,-აღნიშნა შაშკინმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024