დიმიტრი ხუნდაძე - „ნაციონალურმა მოძრაობამ“ მოუგო საკუთარ თავს - ახლა, ალბათ, „ხაბე“ „ხებეებს“ ჩააცმევს საკუთარ ამომრჩეველს და მოამზადებს რევოლუციისთვის

„ნაციონალურმა მოძრაობამ" მოუგო საკუთარ თავს, ახლა, ალბათ, „ხაბე“ „ხებეებს“ ჩააცმევს საკუთარ ამომრჩეველს და მოამზადებს რევოლუციისთვის,- ამის შესახებ ჟურნალისტებთან უმრავლესობის წევრმა დიმიტრი ხუნდაძემ განაცხადა, რითაც „ნაციონალური მოძრაობის“ თავმჯდომარის არჩევნებში ლევან ხაბეიშვილის გამარჯვებას გამოეხმაურა.

მისივე თქმით, ის სწორედ ლევან ხაბეიშვილს გულშემატკივრობდა.

„ლევან ხაბეიშვილი გულწრფელად მემეტებოდა „ნაციონალური მოძრაობისთვის". „ნაციონალურმა მოძრაობამ" მოუგო საკუთარ თავს, ახლა ვნახოთ, ალბათ „ხაბე“ „ხებეებს“ ჩააცმევს საკუთარ ამომრჩეველს და მოამზადებს რევოლუციისთვის. ვნახოთ, შემდეგი რა სახალისო შემოთავაზება იქნება მისგან. ეს სახეები არიან დისკრედიტირებულები. მათ მხოლოდ და მხოლოდ დესტრუქციის ჟინი აქვთ, რაც წარუმატებელი იქნება ქვეყანაში. მათ ექნებათ ამის მცდელობა, მაგრამ შედეგი მათთვის სასურველი ვერ დადგება. მოსალოდნელი იყო, რომ „ნაციონალურ მოძრაობაში“ ის ფრთა გაიმარჯვებდა, რომელიც უფრო მეტად დესტრუქციული და ყველაფრის მკადრებელია და ვისი პატრონებიც და თავად შემსრულებლებიც სწორედ ამით არიან გამორჩეულები, ეს არის მათი მახასიათებელი: დესტრუქცია, ძალადობა, არავითარი სინანული წარსულზე, ალბათ, პირიქით, თვლიან, რომ მაგ დააკლდათ ძალადობა, რაც მანამდე ჩაიდინეს”, - განაცხადა დიმიტრი ხუნდაძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის