გიორგი სააკაშვილი - ლევან ხაბეიშვილს მივულოცავ გამარჯვებას, ახლა მთავარია, დაიდოს გეგმა, რას ვაპირებთ - ნიკა მელიას წარმატებას ვუსურვებ, თუმცა პარტიაში არის ხოლმე პერიოდი, როცა ჩანაცვლება უნდა მოხდეს

ლევანს მივულოცავ გამარჯვებას - ჩემთვის, როგორც [მიხეილ სააკაშვილის] ძმისთვის, მთავარია, მაქსიმალურად მოკლე დროში დაიდოს გეგმა, რას ვაპირებთ, - ამის შესახებ საქართველოს ყოფილი პრეზიდენტის მიხეილ სააკაშვილის ძმამ, გიორგი სააკაშვილმა „ნაციონალური მოძრაობის“ თავმჯდომარედ ლევან ხაბეიშვილის არჩევის თაობაზე ჟურნალისტებს განუცხადა.

მისი თქმით, პროტესტის ყველა ფორმა მშვიდობიანი უნდა იყოს, მაგრამ ყველას უნდა დაანახონ, რომ „მიშამ უნდა იცოცხლოს“.

„პირველ რიგში, ლევანს მივულოცავ გამარჯვებას. ცხოვრება ასეა - ხან გაიმარჯვებ, ხან დამარცხდები, ვგულისხმობ ნიკა მელიას. ის დიდი ხნის განმავლობაში იყო პარტიის სახე. მას ყველა წარმატებას მივულოცავ, თუმცა პარტიაში არის ხოლმე პერიოდი, როდესაც ჩანაცვლება უნდა მოხდეს. დაველოდოთ მკაფიო გეგმას. ჩემთვის, როგორც ძმისთვის, მთავარია, მაქსიმალურად მოკლე დროში დაიდოს გეგმა, რას ვაპირებთ. პროტესტის ყველა ფორმა მშვიდობიანი უნდა იყოს, მაგრამ უნდა ვიყოთ ბევრნი და დავანახოთ ყველას, რომ მიშამ უნდა იცოცხლოს“,- განაცხადა გიორგი სააკაშვილმა.

ცნობისთვის, „ნაციონალური მოძრაობის" თავმჯდომარე ლევან ხაბეიშვილი გახდა. ხაბეიშვილმა ხმების 52.58%-ს მოიპოვა. რაც შეეხება სხვა კანდიდატებს - ნიკა მელიამ ხმების 40% აიღო, გიორგი მუმლაძემ 3.68%, ნონა მამულაშვილმა კი 3.73%.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია