„ნაციონალური მოძრაობის“ არჩევნებში ივანიშვილმა გაიმარჯვა, - ამის შესახებ ჟურნალისტებთან პარტია საქართველოსთვის“ წევრმა მიხეილ დაუშვილმა განაცხადა.
დაუშვილის თქმით, რაც უფრო მეტი იქნება რადიკალიზაცია, ეს „ქართულ ოცნებას“ დაეხმარება. დაუშვილი მიიჩნევს, რომ „ნაციონალური მოძრაობა“ თავისი მოქმედებებით „ქართულ ოცნებას“ ეხმარება ძალაუფლების შენარჩუნებაში.
„არანაირი მნიშვნელობა არ აქვს ჩვენთვის, საბოლოო ჯამში, ვინ გაიმარჯვა. კიდევ ერთხელ გამოჩნდა და ცხადი გახდა, რომ „ნაციონალურ მოძრაობას“ არც უნარი აქვს, არც შესაძლებლობა და როგორც ჩანს, არც სურვილი იმის, რომ „ქართული ოცნება“ და ბატონი ივანიშვილი ხელისუფლებიდან ოპოზიციაში გადაიყვანოს. შესაბამისად, ამ არჩევნებში, აქედან გამომდინარე, გაიმარჯვა ბატონმა ივანიშვილმა და ეს არის რეალობა. კიდევ ერთი მოტივაცია იქნება ეს ჩვენთვის, რომ კიდევ უფრო მეტად აქტიურად და ძირფესვიანად მოვემზადოთ შემდეგ არჩევნებისთვის,“ - განაცხადა დაუშვილმა.
ცნობისათვის, „ნაციონალური მოძრაობის“ შიდაპარტიული არჩევნების შედეგად, პარტიის თავმჯდომარე ლევან ხაბეიშვილი გახდა.