უკრაინის პრემიერ-მინისტრის, დენის შმიგალის განცხადებით, სურს, რომ მისი ქვეყანა ევროკავშირში მომავალი ორი წლის განმავლობაში გაწევრიანდეს.

„ჩვენ გვაქვს ძალიან ამბიციური გეგმა, რომელიც ევროკავშირში უახლოესი ორი წლის განმავლობაში გაწევრიანებას ითვალისწინებს. ჩვენ ველით, რომ 2023 წელს უკვე შეგვეძლება მოლაპარაკებების ამ წინასწარი ეტაპის გამართვა“, - აღნიშნა უკრაინის პრემიერმა.

დენის შმიგალმა უკრაინაში კორუფციის საკითხზეც ისაუბრა და ხაზი გაუსვა, რომ ზელენსკის მთავრობა სერიოზულად ეკიდება ამ პრობლემას. „ჩვენ გვაქვს ნულოვანი ტოლერანტობა კორუფციის მიმართ. სამწუხაროდ, კორუფცია გუშინ არ დაბადებულა, მაგრამ ჩვენ დარწმუნებული ვართ, რომ აღმოვფხვრით კორუფციას“, - განაცხადა უკრაინის პრემიერმა და დასძინა, რომ ეს არის გასაღები ქვეყნის ევროკავშირში გაწევრიანების გზაზე.