არაბთა გაერთიანებული საამიროების საელჩომ საქართველოში საამიროების წითელი ნახევარმთვარის ორგანიზაციასთან თანამშრომლობით საქველმოქმედო აქცია გამართა
2023 წლის 26 იანვარს, არაბთა გაერთიანებული საამიროების საელჩომ საქართველოში, საამიროების წითელი ნახევარმთვარის ორგანიზაციასთან თანამშრომლობით, მორიგი საქველმოქმედო ღონისძიება გამართა.
ქველმოქმედების ფარგლებში სრულიად საქართველოს მუსლიმთა სამმართველოს, საქართველოს საპატრიარქოს და სახელმწიფო ზრუნვის სააგენტოს საჭიროების მქონე ბენეფიციარებისთვის 200 ცალი სასურსათო ყუთი და ზამთრის თბილი ტანსაცმელი გადაეცა.
საქველმოქმედო პროდუქცია არაბთა გაერთიანებული საამიროების საკონსულო დეპარტამენტის ხელმძღვანელი ბატონი ხალედ ალქააბიმ პირადად გადასცა ბენეფიციარებს.
ბატონმა ხალედ ალქააბიმ მადლობა გადაუხადა სრულიად საქართველოს მუსლიმთა სამმართველოს, საქართველოს საპატრიარქოსა და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს, რომ საელჩოს მისცა შესაძლებლობა და გაუწია შუამდგომლობა, დახმარებოდა საჭიროების მქონე ოჯახებს აღნიშნული საქველმოქმედო ღონისძიების ფარგლებში და გამოხატა მზადყოფნა, მომავალშიც გაგრძელდეს მსგავსი ტიპის ურთიერთთანამშრომლობა.
საამიროების წითელი ნახევარმთვარის ორგანიზაცია 1983 წლიდან არაბთა გაერთიანებული საამიროების ჰუმანიტარული საქმიანობის მხრივ წამყვანი ორგანოა და რომელიც მუდმივ ძალისხმევას იჩენს მხარი დაუჭიროს მეგობარ ქვეყნებს და დაეხმაროს საჭიროების მქონე ადამიანებს განურჩევლად მათი ეთნიკური, რელიგიური თუ გეოგრაფიული მიკუთვნებულობისა.
(R)
