პაატა დავითაია - ოკუპანტთან ერთად ნებისმიერ  გაერთიანებაში ყოფნა და დიალოგი მიუღებელია, სანამ საოკუპაციო ძალები  საქართველოს ტერიტორიას არ დატოვებს

რუსეთის საგარეო საქმეთა მინისტრის განცხადება 3 + 3 პლატფორმის და ჟენევის მოლაპარაკებების შესახებ, არის მორიგი პროვოკაციული განცხადება. კატეგორიულად მიუღებელია ოკუპანტთან ერთად ნებისმიერ გაერთიანებაში ყოფნა და დიალოგი, სანამ საოკუპაციო ძალები არ დატოვებს საქართველოს ტერიტორიას , - ამის შესახებ პარტია „ევროპელი დემოკრატების“ თავმჯდომარემ პაატა დავითაიამ განაცხადა.

„რუსეთის საგარეო საქმეთა მინისტრის სერგეი ლავროვის განცხადება, რომ რუსეთი თითქოსდა ხელს უწყობს 3+ 3 ფორმატს და საქართველოს განიხილავს, როგორც ამ რეგიონალური პლატფორმის მონაწილეს, არის მორიგი პროვოკაციული განცხადება. იმის მიუხედავად, რომ როგორც ხელისუფლების, ასევე საზოგადოების მხრიდან არაერთხელ იქნა დაფიქსირებული ჩვენი პოზიცია, რომ საქართველო არ მიიღებს მონაწილეობას გაერთიანებაში, რომელშიც არის ქვეყანა, რომელსაც ჩვენი ტერიტორიების ნაწილი აქვს ოკუპირებული, რუსული მხარე უკვე მერამდენად აფიქსირებს საქართველოს ამ ფორმატში მონაწილეობის შესაძლებლობას.

რუსეთთან ერთ სიბრტყეში ნებისმიერი დილოგის წარმოება შესაძლებელია მხოლოდ და მხოლოდ იმ შემთხვევაში, თუ შეჩერდება ოკუპაცია და რუსეთი დატოვებს ჩვენს ოკუპირებულ ტერიტორიებს. სხვა შემთხვევაში ნებისმიერი პლატფორმის მუშაობა შეუძლებელია.

რაც შეეხება ჟენევის ფორმატს, რუსეთი, როგორც მხარე ყველაფერს აკეთებს იმისთვის, რომ ჟენევის ფორმატს არ ჰქონდეს რაიმე შედეგი. წლებია ვაცხადებ, რომ ეს პლატფორმა არის „დიალოგი - დიალოგისთვის“ და არასდროს მოიტანს პრაქტიკულ შედეგს, რადგან რუსეთი, როგორც ოკუპანტი ქვეყანა ყველაფერს აკეთებს ამ ფორმატში საკუთარი ინტერესების გასატარებლად.

საქართველოს ხელისუფლებამ, საგარეო საქმეთა სამინისტრომ ბოლო პერიოდში რუსული მხარის გახშირებულ განცხადებებზე უნდა მოახდინოს შესაბამისი რეაგირება, გაკეთდეს მკაცრი შეფასებები, რადგან ის პოზიციები, რასაც აფიქსირებს რუსეთის საგარეო საქმეთა მინისტრი, შესაძლოა, დაგეგმილი პროვოკაციის ნაწილი იყოს“ , - აცხადებს პაატა დავითაია, რომლის კომენტარსაც პრესსამსახური ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის