„ქართული ოცნების” თავმჯდომარემ, ირაკლი კობახიძემ ბასკეთის მხარეში, ქალაქ გერნიკაში, ევროპის ერთ-ერთი უძველესი პარლამენტის შენობაში, სამახსოვრო წიგნში ჩანაწერი გააკეთა. ამის შესახებ პარტია ინფორმაციას სოციალურ ქსელში ავრცელებს.
ირაკლი კობახიძე აღნიშნავს, რომ „დიდი პატივია ისტორიულ ადგილას სტუმრობა, სადაც ბასკეთის ისტორია იწერებოდა“.
„ქართველები ვამაყობთ ისტორიული კავშირით და მეგობრობით ბასკ ხალხთან. უღრმესი მადლობა გულთბილი მასპინძლობისთვის!,” - აღნიშნავს კობახიძე.