პაკისტანის ქალაქ პეშავარში, მეჩეთში ბომბის აფეთქების შედეგად სულ მცირე 59 ადამიანი დაიღუპა, - ინფორმციას BBC-ი ავრცელებს.

გამოცემის ცნობით, თავდსხმის სამიზნე პოლიციელები იყვნენ, რომლებიც მეჩეთში ლოცულობდნენ.

აფეთქება შუადღის ლოცვის დროს ქალაქის ჩრდილოეთ-დასავლეთ ნაწილში, ავღანეთთან საზღვრის ახლოს მოხდა.

პაკისტანის პრემიერ-მინისტრის, შეჰბაზ შარიფის განცხადებით, ტერორისტებს სურთ შექმნან შიში მათზე თავდასხმით, ვინც პაკისტანის დაცვის მოვალეობას ასრულებენ.

საავადმყოფოს წარმომადგენელმა BBC-ს განუცხადა, რომ დაღუპულთა რიცხვი 59-ს, დაშავებულების კი - 157-ს შეადგენს.

სამაშველო ოპერაცია გრძელდება და არ არის გამორიცხული, რომ დაღუპულებისა და დაშავებულების რაოდენობა გაიზარდოს.

მომხდარზე პასუხისმგებლობა არცერთ დაჯგუფებას არ აუღია, მაგრამ მას პაკისტანის „თალიბანს“ უკავშირებენ.

BBC-- წერს, რომ დაჯგუფებამ ნოემბერში ცეცხლის შეწყვეტის რეჟიმის დასრულების შესახებ განაცხადა და მას შემდეგ მათი მხრიდან ძალადობა მატულობს.