გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ ქსელში არსებული აბონენტების ნაწილს.

„ენერგო-პრო ჯორჯიას“ ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო 31 იანვარს 12:00-დან 18:30 საათამდე ენერგომომარაგება დროებით შეეზღუდებათ აბონენტებს ზაჰესში თავისუფლების, კეცხოველის, ყაზბეგის, წინამძღვრიშვილის, ზონკარის, მაყაშვილის, ავჭალის და მიმდებარე ქუჩებზე.

15:00-დან 18:00 საათამდე ელექტროენერგიის მიწოდება შეუწყდებათ აბონენტებს დუშეთის რაიონის სოფლებში თანიანთკარი, მეზვრიანთკარი, ყვავილი, ქვემო აში, ზემო აში, ქერანა, ანიაანი.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.